बीपी साहित्य महोत्सवको बाँकी कार्यक्रम संविधान दिवसको दिन हुने
साझा परिवेश
सोमवार, अशोज १, २०८० १३:२0
काठमाडौं, असोज १ गते । नेपाली कांग्रेसले स्थगित गरेको बीपी साहित्य महोत्सव असोज ३ अर्थात् संविधान दिवसको दिन हुने भएको छ । संविधान दिवसका दिन कांग्रेसले केन्द्रीय कार्यालय सानेपामा बीपी महोत्सवको बाँकी कार्यक्रम गर्ने भएको हो ।
नेकपा एमालेका नेता सुवास नेम्वाङको निधन भएपछि गत भदौ २६ गते कांग्रेसले बीपी साहित्य महोत्सव स्थगित गरेको थियो ।
कांग्रेस प्रचार विभाग प्रमुख मीन विश्वकर्माका अनुसार असोज ३ गते बिहान साढे १० बजेदेखि अपराह्न ५ बजेसम्म बीपी साहित्य महोत्सवको कार्यक्रम हुनेछ । उक्त दिन बीपीको समाजवादी परिकल्पनामा शिक्षा, समावेशिता, सामाजिक रुपान्तरण र बीपी, समय र सबार्ल्टन, बीपीका आख्यानमा नारी, परिवारले बुझेका बीपी, बीपीको विचार, आजको संविधान र अबको बाटो विषयमा छलफल हुनेछ ।
यस्तै, कांग्रेसले भदौ २४ र २५ गते पनि बीपी साहित्य महोत्सवमा विभिन्न कार्यक्रम हुने जानकारी गराएको छ ।
