पूर्वअर्थमन्त्री पौडेल : राजस्व संकलनबारे अर्थमन्त्रीले नै जवाफ दिनुपर्छ

• सरकारले राजस्व संकलन कम गर्नुको कारण भन्नुपर्छ 
• अर्थतन्त्रमा देखा परेको समस्याको बारेमा वृहत् छलफल गर्नुपर्छ 
• त्यसको लागि मन्त्रीले समितिलाई समय दिनुपर्छ

काठमाडौं ।।

पूर्वअर्थमन्त्री एवं नेकपा (एमाले)का सांसद विष्णु पौडेलले सरकारले राजस्व संकलन कम गर्नुको कारण जवाफ दिनुपर्ने बताएका छन् ।प्रतिनिधिसभाअन्र्तगत रहेको अर्थ समितिमा बोल्दै पूर्वअर्थमन्त्री पौडेलले सरकारले राजस्व संकलनमा सुधार गर्न नसकेको बताए । यसविषयमा अर्थमन्त्रीले जवाफ दिनुपर्ने भन्दै पौडेलले अर्थतन्त्रमा देखा परेको समस्याको बारेमा वृहत् छलफल गर्नुपर्ने धारणा राखे ।

“अर्थतन्त्रमा रहेको समस्याका विषयमा वृहत् छलफल गर्नुपर्छ । त्यसको लागि मन्त्रीले समितिलाई समय दिनुपर्छ । राजस्व कम संकलन हुनुको कारण अर्थमन्त्रीले जवाफ दिनुपर्छ,” पोडैलले भने, “सामान्य प्रतिवेदन दिएर हुँदैन ।” उनले अर्थमन्त्री समितिमा आएर देशको अर्थतन्त्र कुन अवस्था छ भनेर पनि सरकारको तर्फबाट उल्लेख गर्नुपर्ने बताए । “बजेटको समयमा अर्थतन्त्र मन्दीमा थियो । अहिलेको अवस्था के हो ? मन्त्री किन आफैँ आउन चाहनुभएन ?,” उनले सोधे, “अर्थमन्त्री आउनुहुन्छ भनेर हामी उपस्थित भएका हौँ । दोस्रोपटक उहाँ किन आउनुभएन ?

• संसद विघटन