मलाई भाषण गर्न र झुट कुरा बोल्न आउँदैन जे बोल्छु मनदेखि बोल्छु : डा. शशांक कोइराला

• कांग्रेस एकजुट हुन सके जुनसुकै दलले पनि हराउन सक्दैन
• पार्टी एकताको पक्षमा एकजुट हुनुपर्छ 
• टिकट लिएर निर्वाचन लड्न जाँदा आफूले वडाको नाम रटेर गएको याद छ 

काठमाडौं ।।

नेपाली कांग्रेसका पूर्वमहामन्त्री डा. शशांक कोइरालाले कांग्रेस एकजुट हुन सके जुनसुकै दलले पनि हराउन नसक्ने बताएका छन् । शुक्रबार राष्ट्रिय सभागृहमा भएको कार्यक्रममा बोल्दै उनले पार्टी एकताको पक्षमा एकजुट हुनुपर्ने बताए । उनले आफू दाबीका साथ भन्न सक्ने भन्दै एकजुट भए जति अरु दल मिलेपनि कांग्रेसलाई हराउन नसक्ने उल्लेख गरे । फरक प्रसंगमा उनले आफूलाई भाषण गर्न र झुट कुरा बोल्न नआउने बताए । पहिलोपटक टिकट लिएर निर्वाचन लड्न जाँदा आफूले वडाको नाम रटेर गएको प्रसंग कोट्याउँदै उनले आफूले जितेर आएको उल्लेख गरे ।

“मलाई टिकट दिएको ठाउँको  नाम रटेर जानुपर्दथ्यो । म रटेर जान्थे । त्यहाँ पनि मैले जिते २३ जनाले जित्दा मैले  पनि जितें  । लगातार पाँच पटक जितें,” उनले भने, “न मलाई भाषण गर्न आउँछ न मैले चमात्कार गरेको छ । मैले हृदय छोएको छु । उनीहरूले मलाई त्यति माया गर्छन् ।” उनले आफूले बोल्ने कुरा हृदयबाट आउने स्पष्ट पारे । “म दिमागबाट भाषण गर्दिन हृदयको कुरा गर्छु । मलाई झुटो कुरा गर्न आउँदैन । झुट बोल्दा मूल्य पनि चुकाउनुपर्छ सत्य बोल्नुपर्छ,” उनले भने । आफूले पटक–पटक जितेर पनि चमात्कार गर्न नसकेको भन्दै उनले प्रयास पनि गरिरहेको उल्लेख गरे । “कांग्रेस एक जुट पारौँ । दीर्घकालीन योजना कस्तो बनाउने जनताको मन छुनेगरी कार्ययोजना बनाउने,” उनले भने, “मैले जितेर चमात्कार गरेको छैन । प्रयास गर्ने हो जीवन भनेको यही हो । फलको चिन्ता गर्नु हुँदैन । पैसा भनेको हातको मैलो हो ।”

• संसद विघटन