कलाकारले “ठ्याक्कै उस्तै, मान्छे त्यसमै हराउने गरी अभिनय गर्नु पर्छ : ओली

• नेपाली चलचित्रमा अभिनय सुधार्यो भने राम्रो चल्छ 
• ओलीले अभिनय र यथार्थमा भिन्नता देखिन नहुने बताए 
• अलिकति परिमार्जन आवश्यक छ भन्ने मलाई लाग्छ : ओली

काठमाडौं ।।

नेकपा एमालेका अध्यक्ष केपी शर्मा ओलीले नेपाली चलचित्र उद्योगमा अभिनयमा केही परिमार्जन आवश्यक रहेको बताएका छन् । सोमबार ओटीटी प्लेटफर्म कान्तिपुर सिनेमाजको सुभारम्भ कार्यक्रममा अध्यक्ष ओलीले अभिनय र यथार्थमा भिन्नता देखिन नहुने बताए । “अभिनयमा अलिकति परिमार्जन आवश्यक छ भन्ने मलाई लाग्छ । अन्यत्रको कलाको जुन दुरुस्तता छ । हाम्रोमा यथार्थ कलाको प्रस्तुतिमा अलि भिन्नता छ कि जस्तो देखिन्छ,” उनले भने, “ठ्याक्कै उस्तै, मान्छे त्यसमै हराउने गरी अभिनय गर्नु पर्छ ।”

उनले अरुको नक्कल गर्न नहुनेमा जोड दिए । अरूको सिनेमा हेर्ने अरुकै कला मन पराउने प्रवृत्ति रहेको भन्दै ओलीले यो बानी परिवर्तन गर्नु पर्ने उनको धारणा छ । आफूलाई नेपालीजस्तो अरु कुनै पनि देशका गीतसंगीत मन नपर्ने भन्दै कलाको क्षेत्रमा नेपाल अग्रस्थानमा रहको उनले बताए । नेपाल जनसंख्याका हिसाबले सानो देश भएकाले सधैँ संघर्ष गर्नु परेको भन्दै उनी भन्छन्, “भारतमा, चीनमा एउटा गीत हिट भयो भने त्यसले जिन्दगीभरलाई पुग्छ । तर, यहाँ त्यस्तो छैन ।”

• संसद विघटन