पार्टी प्यालेसबाट निकालेको भिडियो सामाजिक सञ्जालमा भाइरल
संघको संलग्नाताको विषयमा छानबिन
काठमाडौं ।।
प्रमुख प्रतिपक्षी दल नेकपा (एमाले) ले गल्ती गरे युवा संघको बचाउ नगर्ने बताएको छ । मेडिकल व्यवसायी दुर्गा प्रसाईंको नेतृत्वमा बिहीबार हुन लागेको प्रदर्शनमा सहभागी हुन काठमाडौं आएको एक समूहलाई एमालेको भ्रातृ संस्था युवा संघले गए राति पार्टी प्यालेसबाट निकालेको भिडियो सामाजिक सञ्जालमा भाइरल भएको छ । जसलाई लिएर चर्को आलोचना भइरहेको छ ।
बुधबार पार्टी बैठकपछि सञ्चारकर्मीहरूसँग बोल्दै प्रचार विभाग प्रमुख राजेन्द्र गौतमले भिडियो र युवा संघको संलग्नाताको विषयमा छानबिन भइरहेको बताए । उनले दोषी भेटिए पार्टीले बचाउ नगर्ने स्पष्ट पारे । “युवा संघले हामीले गरेको हैन, छानबिन भइरहेको छ भनेको छ,” गौतमले भने, “युवा संघले तथ्य सार्वजनिक गर्छु भनेको छ । पार्टीले कोही दोषी छ बचाउ गर्दैन ।”
