प्रदेश सरकार र स्थानीय सरकारले संविधानअनुसार काम गर्नुपर्छ : भौतिक मन्त्री
साझा परिवेश
सोमवार, पुस २, २०८० ११:२८
संविधानले तोकेको काम सरकारहरुले गर्नुपर्छ
सरकारले जिम्मेवारी अनुसार काम गर्नैपर्छ
अहिले उपत्यका खाल्डाखुल्डीमुक्त रहेको छ
काठमाडौं ।।
भौतिक पूर्वाधार विकासमन्त्री प्रकाश ज्वालाले संविधानले तोकेको काम सरकारहरुले गर्नुपर्ने बताएका छन् । ललितपुर महानगरपालिका १०५औं स्थापना दिवसको अवसरमा बोल्दै ज्वालाले संघ सरकार, प्रदेश सरकार र स्थानीय सरकारले आ-आफ्नो काम गर्नुपर्ने बताएका हुन् ।
अन्तर सरकारबीच समन्वय नभएको विषयलाई कोट्याउँदै उनले सरकारले जिम्मेवारी अनुसार काम गर्नपर्ने बताए ।‘अहिले उपत्यका खाल्डाखुल्डीमुक्त रहेको छ । भौतिक मन्त्रालयअन्तर्गत रहेको सडकमा खाल्डो छैन, कहिले खानेपानी, कहिले विद्युतले खाल्डो बनाउने समस्या रहेको छ,’ ज्वालाले भने ।
