भ्रष्टाचारमा संवैधानिक निकाय नै अग्रसर छ : स्वर्णिम वाग्ले
साझा परिवेश
शुक्रबार, पुस ६, २०८० १२:२३
स्वर्णिम वाग्लेले नेपालमा भ्रष्टाचारले सीमा नाघेको बताए
संवैधानिक निकाय र नियामकले नै भ्रष्टाचारको ‘सेटिङ’ गरिरहेको आरोप
वैदेशिक सहायताले देश विकासमा सहयोग पुगेको
काठमाडौं।।
राष्ट्रिय स्वतन्त्र पार्टी (रास्वपा) का उपाध्यक्ष एवं सांसद स्वर्णिम वाग्लेले नेपालमा भ्रष्टाचारले सीमा नाघेको बताएका छन् । शुक्रबार एक्सन एडले आयोजना गरेको एक कार्यक्रममा उनले संवैधानिक निकाय र नियामकले नै कागज मिलाएर भ्रष्टाचारको ‘सेटिङ’ गरिरहेको आरोप लगाए ।
“नेपालमा व्यापक भ्रष्टाचार छ । त्यसमा पनि नियामक र संवैधानिक निकाय नै अग्रसर छन्,” उनले भने, “निश्चित भ्रष्ट नेताले वैदेशिक सहयोगको दुरुपयोग गरेका छन् ।” वैदेशिक सहायताले देश विकासमा सहयोग पुगेको भए पनि पछिल्लो समय उपयोग घटेको उनले बताए ।
