March 1, 2024 | शुक्रबार, फाल्गुन १८, २०८०
सुचनाहरु
शर्मिला वाइबालाई ४ दिन थुनामा राख्न अदालतको अनुमति छिमेकीलाई प्राथमिकताको आधारमा व्यवहार गर्न थालियो : परराष्ट्रमन्त्री साउद बिदा हुनुअघि राष्ट्रियसभामा ६ वर्षको अनुभव सुनाउँदै सांसद २८ अंकले घटेर सेयर बजार बन्द विराटनगर–लुक्ला माउन्टेन फ्लाइट छिट्टै सुरु हुन्छ: मुख्यमन्त्री कार्की कला–साहित्यको संगमस्थल बन्यो कनकाई महोत्सव मजदुरमाथि भएको कुटपिटमा महानगरले थाल्यो छानबिन बढ्यो सुनको मूल्य, चाँदीको घट्यो १४ वर्षीया बालिका बलात्कृत, ६० वर्षीय पुरुष पक्राउ गौतमबुद्ध अन्तर्राष्ट्रिय क्रिकेट रंगशाला निर्माणका लागि टेण्डर आह्वान वाफ महिला च्याम्पियनसिपको खेलमा नेपाल र जोर्डन खेल्दै हिमाल हेर्न माइजोमाईमा पर्यटक आकर्षित शर्मिला वाइबा सिन्धुपाल्चोकबाट पक्राउ नेप्से झिनो अंकले घट्यो, २ अर्बभन्दा बढीको कारोबार भित्तेपात्रो प्रकाशकलाई पञ्चाङ्ग निर्णायक समितिले मुहूर्त र साइत दिने घोराही सिमेन्ट उद्योगमा स्थानीयको नाराबाजी, यस्तो छ कारण मालीमा पुलबाट बस खस्दा ३१ जनाको मृत्यु माओवादी केन्द्रको स्थायी समिति बैठक आज पनि जारी कृषि विकास बैंकको साधारण सभा फागुन ३० मा बिर्तामोड उद्योग वाणिज्य संघको अध्यक्षमा न्यौपाने विजयी

चलचित्रको विकासका लागि काम गर्न नीति नै छैनः अध्यक्ष केसी

  • साझा परिवेश
  • मङ्लबार, माघ २, २०८० १६:00
चलचित्रको विकासका लागि काम गर्न नीति नै छैनः अध्यक्ष केसी

काठमाडौं । नेपाल चलचित्र बोर्डका अध्यक्ष भुवन केसीले चलचित्रको विकासका लागि आवश्यक काम गर्न नीति, नियम र विधान नभएको बताएका छन् ।

सातौं नेपाल अन्तरराष्ट्रिय चलचित्र महोत्सवको आधिकारिक घोषणा कार्यक्रममा उनले हाल नेपालमा भएको विधेयकले चलचित्र क्षेत्रमा आवश्यक विकास सम्भव नभएको भन्दै नयाँ नीति बनाएर सम्पूर्ण कला क्षेत्रलाई अगाडि बढाउन प्रयासरत रहेको बताए ।

उनले भने, ‘गर्न चाहेका कति कामहरु हाम्रो नीति, नियम, विधानमा नै छैनन्, त्यसकारणल फेरि नयाँ नीति बनाउँदै सम्पूर्ण कला क्षेत्रको अगाडि बडोस् भन्नका लागि कोशिस गरिरहेका छौ । नेपाली चलचित्रमा विदेशी लगानी ल्याउन सकियो भने अन्तरराष्ट्रिय स्तरमा नेपालका फिल्महरुले पनि प्रतिस्पर्धा गर्न सक्छन् । यसका लागि पनि हामी पहल गरिरहेका छौ ।’

यस्तै, उनले निफलाई चलचित्र बोर्डको पूर्ण सहयोग रहेको भन्दै कार्यक्रमलाई सफल बनाउनको लागि आर्थिक रुपमा पनि सक्दो सहयोग गर्न तयार रहेको बताए ।

कार्यक्रममा वरिष्ठ कलाकार नीर शाहले उपयुक्त किसिमको पुँजी र बजार व्यवस्थापन नहुनु आजको चलचित्र कर्मको सबैभन्दा ठूलो चुनौती रहेको बताए ।

उनले भने, ‘राष्ट्रिय चलचित्र उद्योग जसलाई हामी भन्छौ, त्यो उद्योग र राष्ट्रिय हुन सकेको छैन्, यस बारेमा धेरै अध्ययनको आवश्यकता छ । उद्योग र राष्ट्रिय हुन नसके पनि चलचित्र भने छ, चलचित्र भएको हुनाले चलचित्र कर्म पनि छ, त्यसलाई दिगो रुपले टेवा दिने, उपयुक्त किसिमको पुँजी र बजार व्यवस्थापन नहुनु सबैभन्दा ठूलो चुनौती हो ।’

यस्तै, कलाकार प्रदिप पौडेलले फिल्म क्षेत्रलाई संस्कृति मन्त्रालयअन्तर्गत राख्ने हो भने फिल्म संस्कृति र पर्यटनलाई प्रवर्द्धन गर्ने सक्ने माध्यम बनाउन सकिने धारणा व्यक्त गरे ।

उनले भने, ‘सञ्चार मन्त्रालयअन्तर्गत फिल्म बोर्ड हुँदै गर्दा यसलाई गलत प्रचारप्रसारको माध्यम मात्रै हो भनेर बुझिएको हो कि, संस्कृति मन्त्रालयअन्तर्गत जाने हो भने संस्कृति प्रवर्द्धन गर्ने माध्यमको रुपमा चिनिन्थ्यो कि, हामीले नेपालमा रहेको सुन्दरतालाई फिल्मको माध्यमबाट धेरै प्रचार गर्न सक्छौं । फिल्म क्षेत्रलाई संस्कृति मन्त्रालयअन्तर्गत राख्ने हो भने फिल्म संस्कृति र पर्यटन प्रवर्द्धन गर्ने सक्ने माध्यम बनाउन सकिन्थ्यो ।’

  • साझा परिवेश
  • मङ्लबार, माघ २, २०८० १६:00

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।