कांग्रेसलाई सांसद वाग्लेको चूनौति : आरोप लाग्नासाथ मन्त्रीबाट मात्रै होईन सांसदबाट समेत राजीनामा दिन तयार हो ?

काठमाडौं, २१ चैत्र । राष्ट्रिय स्वतन्त्र पार्टीका सांसद डा. स्वर्णिम वाग्लेले गृहमन्त्री रवि लामिछानेमाथि प्रतिरोध साँधिएको आरोप लगाएका छन् । उनले गृहमन्त्री लामिछानेले आफूमाथि लागेको आरोपको बारेमा रोष्ट्रममा उभिएर आफ्नो धारणा राख्छु भन्दा अवसर नदिईएको भन्दै कांग्रेसको भूमिकाको आलोचना गरे । प्रतिनिधिसभाको आजको बैठकमा बोल्दै उनले आरोप लाग्नासाथ मन्त्रीबाट मात्र नभई सांसदबाट समेत राजीनामा दिनको लागि सर्वदलीय सहमति गर्न तयार हो ? भन्दै कांग्रेसलाई चूनोति दिए ।

उनले भने,‘विगत केही हप्तादेखि यो संसद्मा एउटा रिच्युल चलिरहेको छ । सहकारीको महाकाव्य नै लेख्न बसेजस्तो गरेर हाम्रो दैनिकी सुरु भैरहेको छ । तर, एउटा शब्द मैले कहिल्यैपनि सुन्न पाएको छैन्–लेख्नलाई महाकाव्य नै लेखियो होला । तर, समाधान भन्ने शब्द मैले सुन्न पाएको छैन् । प्रतिपक्षमा हुँदा हामीले पनि प्रश्न गरेका हौं । एउटा शालिन प्रतिरोध, शालिन प्रतिवाद संसदीय व्यवस्थामा प्रतिपक्षीय धर्म नै हो । त्यसलाई हामीले उन्नत किसिमले प्रयोग गरेकै हौं । सम्पूर्ण प्रतिपक्षीय रो’हरुले अर्थमन्त्रीको राजीनामा माग्दाखेरि हामी संयमित भएका थियौं । हामी रोकिएका थियौं । हामीले भन्यौं–अर्थमन्त्रीको पहिला कुरा सुन्नुपर्छ । उहाँलाई स्पष्टीकरणको मौका पहिला दिनुपर्छ भनेर भनेको हो । रास्वपा यस्तो एउटा प्रतिपक्षीय दल हो, जसले अनधिकृत व्यक्तिको प्रवेशद्धारा बजेट बनाईयो भन्दा हामीले राजीनामा मागेका थिएनौं । भौतिकमन्त्री माथिपनि लगभग सबै प्रतिपक्षी दलहरुले राजीनामा माग्दापनि हामीले भन्यौं–पहिला उहाँको कुरा सुन्नुपर्छ । आज माननीय गृहमन्त्रीजीले तपाईंहरुले मभित्र यही हलभित्र यति आक्षेप लगाउनुभएको छ, म रोष्ट्रममा उभिएर जवाफ दिन चाहन्छु भन्दै गर्दा उहाँलाई निषेध गरियो । यो हदसम्मको असहिष्णुता, यो अनुदारवाद कहाँबाट आयो ? यो कस्तो संस्कृति हामी बसाउन खोज्दैछौं ? यो असाध्यै चिन्ताजनक छ ।’

सांसद वाग्लेले संसदीय छानबिन समिति बनाउन आपत्तिजनक नभएको पनि टिप्पणी गरे । उनले भने,‘संसदीय छानबिन बनाउन आपत्ति होईन, तर कस्तो नजिर बनाउन गैरहेका छौं भन्नेबारे विचार हामीले गर्नुपर्ने हुन्छ । सर्वदलयी सहमति गरौं–आरोप लाग्नासाथ सबले राजीनामा गरौं । मन्त्रीमात्र होईन, सांसदले पनि राजीनामा गरौं । यो नजिर स्थापित गर्न हामी तयार हो ?’

• संसद विघटन