कमल १ को वडाअध्यक्ष पुरुष फुटबल कपको उपाधी वडा न ३ केर्खालाई

युवराज रेग्मी

बैशाख २२ , कमलगाउँपालीका /  झापाको कमल गाउँपालिकामा जारी वडा न १ वडा अध्यक्ष पुरुष फुटबल कपको उपधी वडा न ३ ले हातपारेको छ ।

यहि बैशाख १७ गते देखि वडा न १ को श्री नरेन्द्र जनता माध्यमिक बिद्यालय खेलमैदानमा जारी खेलको फाइनल खेल आज २२ गते सनिबार वडा न ३ र वडा न ६ बिच प्रतिस्पर्धा भएको थियो ।
प्रतिस्पर्धामा वडा न ३ ले वडा न ६ लाई सुन्यका विरुद्ध १ गोलगर्दै उपाधी हातपारेको हो। खेलको पहिलो हाफको सुरुवाती चरणमा आक्रमक रुपमा प्रस्तुत भएका वडा न ६ का खेलाडिहरुले खेलमा गोलगर्ने अबसर पाउन नसक्दा पहिलो हाफ बराबरिमा टुङिएको थियो ।

पहिलो हाफमा रक्षात्मक ढङ्गले प्रस्तुत भएको वडा न ३ ले दोस्रो हाफ सुरुभएको ४ मिनेटमै वडा न ६ का विरुद्ध १ गोलगर्दै खेलमा अग्रता कायमगर्न सफल भयो ।
वडा न ३ बाट जर्सी नम्बर २३ लगाएर मैदान उत्रिएका खेलाडी दिनेश मगरले हानेको बल वडा न ६ को गोलपोस्टको क्रसबारमा लागेर फर्कदै पुन गोलरक्षकलाई ठोक्किएर गोलमा परिणत भएको थियो ।
दोस्रो हाफको सुरुमै वडा न ६ का गोल रक्षकको आत्मघाती गोलनै खेलको अन्तिम समय सम्म वडा न ३ का लागि निर्णायक गोल बन्न सफल बन्यो ।

दोस्रो हाफको सुरुमै एक सुन्यले पछि परेपस्चात दबाबमा रहेको वडा न ६ का खेलाडिहरु त्यसपश्चात् रक्षात्मक ढङ्गले खेलमा प्रस्तुत भएका थिए । खेलमा एक सुन्यले पछि परेपश्चात् रक्षात्मक ढङ्गले प्रस्तुत भएको वडा न ६ ले वडा न ३ विरुद्ध कुनै रचनात्मक खेल प्रदर्शन गर्न सकेन ।
अन्ततः सुन्यका बिरुद १ गोलले पछिपर्दै वडा न ६ प्रतिस्पर्धाको उपबिजेतामा चित्त बुझाउन पुग्यो ।

खेलको बिजेता बनेको वडा न ३ नगद रु ४० हजारका साथमा ट्रफी , मेडल र प्रमाणपत्रले सम्म्मानित भयो ।

फाइनल खेलमा हार ब्यहोरेर खेलको उपबिजेता बनेको वडा न ६ ले नगद रु २० हजारका साथमा ट्रफी , मेडल र प्रमाणपत्रमा चित्त बुझाउनुपर्यो ।

वडा न ३ ले वडा न २ लाई सेमिफाइनलमा पराजित गरि फाइनल प्रवेश गरेको थियो भने वडा न ६ ले आयोजक वडा न १ को ( ख ) समुहलाई पराजित गर्दै फाइनलको यात्रा तयगरेको थियो ।

“लागुऔषध विरुद्ध हाम्रो अभियान , खेलकुदमा युवाको योगदान” नाराका साथ लागुपदार्थ तथा दुर्ब्यसन विरुद्ध युवाहरुलाई खेलकुदको माध्यमबाट सकारात्मक दिशातर्फ लगाब दिलाउन झापाको कमल गाउँपालिकामा बैशाख १७ गते देखि प्रथम वडा अध्यक्ष कप फुटबल प्रतियोगिता सञ्चालन गरिको थियो ।

कमल गाउँपालिका वडा न. १ र सोहि वडाको खेलकुद बिकास समितिद्वारा सम्युक्त रुपमा आयोजित वडास्तरीय वडाअध्यक्ष कप पुरुष फुटबल प्रतियोगिताको फाइनल खेलमा गाउँपालिकका अध्यक्ष हुकुम सिंह राई , पालिका उपाध्यक्ष प्रमिला नेउपाने तिवारी , वडा न १ का वडा अध्यक्ष केदार कटवाल लगायतले समापन कार्यक्रमलाई सम्बोधन गरेका थिए ।

कुल ७ वटा वडा रहेको कमल गाउँपालिकाका वडा मध्ये ६ वटा वडाबाट १ / १ टिम र आयोजक वडा न १ बाट दुई टिम गरि आठवटा टिमले प्रतियोगितामा सहभागिता जनाएकाथिए ।

विधागत पुरस्कार तर्फ उत्कृष्ट गोलकिपरको उपाधी वडा न १ का ब्रोमित लिम्बूले हातपारे, त्यसैगरी म्यान अफ द टुर्नामेन्टको उपाधी वडा न ६ का बिबेक लिम्बु तथा उदियमान खेलाडिको उपाधी वडा न १ का कलस अधिकारिले हातपारे । उनिहरुले जनही रु. ५/५ हजार प्राप्तगरे ।

साथै आजको फाइनल खेलको म्यान अफ द म्याचको उपाधी फाइनल खेल बिजेता टिम वडा न ३ केर्खाका खेलाडी दिनेश मगर बन्न सफलभए उनले रु १५ सय हातपारे ।

वडा अध्यक्ष पुरुष फुटबल प्रतियोगिता संचालनका लागि कमल गाउँपालिकाको वडा न १ ले आफ्नो बजेट बाट रु २ लाख छुट्याएको थियो । उत्कृष्ट गोलकिपरको उपाधी वडा न ३ का खेलाडि ब्रोमिस लिम्बूले हातपारे , त्यसैगरी म्यान अफ द टुर्नामेन्टको उपाधी वडा न ६ का बिबेक लिम्बु तथा उदियमान खेलाडिको उपाधी वडा न १ का कलस अधिकारिले हातपारे । उनिहरुले जनही रु. ५/५ हजार प्राप्तगरे ।

साथै आजको फाइनल खेलको म्यान अफ द म्याचको उपाधी फाइनल खेल बिजेता टिम वडा न ३ केर्खाका खेलाडी दिनेश मगर बन्न सफलभए , उनले रु १५ सय हातपारे ।
वडाअध्यक्ष कप पुरुष फुटबल प्रतियोगिता संचालनका लागि कमल गाउँपालिकाको वडा न १ ले आफ्नो बजेटबाट रु २ लाख रकम छुट्याएको थियो ।

• संसद विघटन