काठमाडौं। नेपाली कांग्रेसका महामन्त्री एवम् झापा–१ बाट नवनिर्वाचित प्रतिनिधिसभा सदस्य विश्वप्रकाश शर्मा मगलबार काठमाडौंस्थित महामन्त्री गगन थापाको घरमा बधाई ज्ञापन गर्न पुग्नु भयो ।
काठमाडौंस्थित महामन्त्री थापाको घरमा बधाई ज्ञापन गर्न पुगेका महामन्त्री शर्माले गगन थापालाई प्रधानमन्त्री बनाउने अभियान सुरु गर्ने बताउनु भयो । आजै काठमाडौं आउनु भएका शर्मा विमानस्थलबाट सिधै थापा निवास रातोपुल पुगेर बधाई दिनु भयो । यो सँगै प्रधानमन्त्री बन्ने शुभकामना व्यक्त गर्नुभयो ।
महामन्त्री शर्माले गगन थापालाई संसदीय दलको नेता बनाउन पार्टीभित्रका शीर्ष नेताहरु र सांसदहरुसँग छलफल अगाडी बढाउने समेत बताउँनु भयो । गगन थापालाई संसदीय दलको नेताका लागि पार्टी सभापति शेरबहादुर देउवा र वरिष्ठ नेता रामचन्द्र पौडेल लगायतको समर्थन जुटाउनु आफ्नो जिम्मेवारी र कर्तव्य भएको पनि बताए । शीर्ष नेताहरुलाई थापाको प्रस्तावक बनाउन नसकेमा आफैँ प्रस्तावक बनेर भए पनि अगाडी बढाउने बताउनु भयो ।
