राष्ट्रिय फुटबल टोली र मच्छिन्द्र दुवैको प्रशिक्षकमा प्रवेश कटवाल !

काठमाडौँ । अखिल नेपाल फुटबल संघ ९एन्फा०ले गत १ गते नेपाली राष्ट्रिय फुटबल टोलीको सहायक प्रशिक्षक र गोलकिपर प्रशिक्षकको नियुक्ति दियो ।

नेपाली टोलीको सहायक प्रशिक्षकमा प्रवेश कटवाल नियुक्त भए । कटवाललाई एन्फाले चार दिन पहिले नै नियुक्ति दिएको थियो । तर, एन्फाले बाहिर जानकारी भने १ गते मात्र गरायो । त्यसपछि उनी राष्ट्रिय टोलीको प्रशिक्षकमा आए ।

प्रवेशले यसअघि पाकिस्तानविरुद्धको मैत्रीपूर्ण खेलमा पनि प्रशिक्षकको भूमिका निर्वाह गरेको थिए । उनले सहायक प्रशिक्षक पद सम्हाली सकेपनि मच्छिन्द्रको खेलमा प्रशिक्षकको भूमिकामा गए ।

मच्छिन्द्रले १४ मार्चमा नेपाल पुलिस क्लबविरुद्ध खेलेको खेलमा उनी मुख्य प्रशिक्षक थिए । एउटा प्रशिक्षकले राष्ट्रिय टोली सम्हाली रहेको समयमा क्लबलाई पनि सम्हाल्नु उनको नैतिकताले पनि दिँदैन ।

यस विषयमा भने प्रवेश आफूले केही नबोल्ने बताए । यो सानो कुरा भएको र यसलाई ठूलो विषय बनाइएको उनले बताए ।

‘यो विषयमा म केही बोल्दैन । यो सानो विषय हो । यसलाई ठूलो विषय नबनाइ दिनुस,’ प्रवेशले रातोपाटीसँगको कुराकानीमा भने ।

लिगमा अहिले साविकको विजेता मच्छिन्द्रले पाँच खेल खेल्दा मात्र एक खेलमा जित निकालेको छ । दुई खेल बराबरी खेल्दा दुई खेलमा हार ब्यहोर्यको छ । मन्द्रिको लगातार भएको खराब नतिजाले प्रशिक्षक कटवालले च्यासल मैदान सानो भएको बताएका थिए ।

• संसद विघटन