विराटनगर । विराटनगरमा आजबाट ‘विराट गोल्ड कप’ सुरु हुदैछ ।
शहिद रंगशालामा हुने प्रतियोगिता रात्रीकालीन हुनेछ । प्रतियोगिताको उद्घाटन कोशी प्रदेशका मुख्यमन्त्री हिक्मतकुमार कार्कीले गर्नेछन् ।
साँझ ६ बजेदेखि औपचारिक कार्यक्रम सुरु भएर साँझ ७ बजेदेखि प्रतियोगिता सुरु हुने विराट गोल्डकपका सहसंयोजक सुवाशिष कोइरालाले जानकारी दिए । उद्घाटन खेल आयोजक र नेपाल पुलिस क्लबबीच हुनेछ कोइरालाले जानकारी दिए । ।
प्रतियोगितामा नेपालका तीन विभागीय टोली एपीएफ, त्रिभुवन आर्मी, नेपाल पुलिस क्लब सहभागी हुनेछन् । त्यस्तै संकटा क्लब, जवालाखेल युथ क्लब र घरेलु टोली विराटनगर सिटी फुटबल क्लब सहभागी हुनेछन् । भारतको केरलाको लुका सकर र डुक लयुल फुटबल क्लब भुटान पनि सहभागि छन् ।
गोल्डकपको विजेता टोलीले २० लाख १५ हजार पुरस्कार पाउनेछन् । उपविजेताले १० लाख १५ हजार पुरस्कार प्राप्त गर्नेछन् । गत सिजन विजेताले १५ लाख १५ हजार र उपविजेताले ७ लाख ५१ हजार पुरस्कार पाएको थियो ।
