May 9, 2024 | बिहिबार, बैशाख २७, २०८१
सुचनाहरु
संवैधानिक परिषद्ले गर्ने सबै निर्णयहरु सर्वसम्मतिले गर्ने व्यवस्था गर्नुपर्छ: गृहमन्त्री लामिछाने ट्रयाक्टर दुर्घटना हुँदा विद्यार्थीको मृत्यु अमेरिका पठाइदिन्छु भन्दै एक करोड बढी ठगी, एक पक्राउ कोशीको प्रदेश सभा बैठक बोलाउन प्रदेश प्रमुखलाई भृकुटीमण्डपको खुला बजार व्यवस्थित गर्न मन्त्री चौधरीको निर्देशन धेरै कर्मचारीले एकै पटक बिदा लिएपछि एयर इन्डियाका ८० भन्दा बढी उडान रद्द ‘निर्वाचन आयोगविरुद्ध अदालत जान्छु’ : जसपा अध्यक्ष यादव म प्रधानमन्त्री भएपछि अर्थतन्त्रमा सुधार भएको छ: प्रधानमन्त्री प्रचण्ड गम्भीर तथा घातक रोगका बिरामीबाहेक सबै शिक्षकका काज फिर्ता गर्ने सांसद सुहाङ नेम्वाङले लिए शपथ आज कति छ त् सुनको मुल्य ? देउवाले बोलाए शीर्ष नेताको बैठक झापाको बिर्तामोडमा एक वृद्धा घरभित्रै मृत फेला सलोन बस्नेतलाई पुत्री लाभ सुहाङले आज सांसदको ग्रहण गर्दै कस्तो रहला आजको मौसम ? कुन कुन ठाउमा पर्ला पानी ? आज मातातीर्थ औँसी, आमाको मुख हेर्ने पर्वको रुपमा मनाइँदै गण्डकीका मुख्यमन्त्रीले पाएको विश्वासको मतको विरुद्ध सर्वोच्चमा रिट संसदमा बोल्न पाउँ भन्दै रवि लामिछानेले दिए निवेदन सभामुखले बोलाएको बैठक निष्कर्षविहीन सकियो, कांग्रेसले छोडेन अडान

कैलालीमा उपभोक्ता समितिको नाममा १८ लाखभन्दा बढी रकम भ्रष्टाचार

  • साझा परिवेश
  • बुधबार, चैत्र १५, २०७९ १३:0२
कैलालीमा उपभोक्ता समितिको नाममा १८ लाखभन्दा बढी रकम भ्रष्टाचार

धनगढी ।  उपभोक्ता समितिको नाममा कैलालीको लम्कीमा १८ लाखभन्दा बढी रकम भ्रष्टाचार भएकाे पाइएको छ।

जिल्लाको लम्कीचुहा नगरपालिका- ३ मा झाेलङ्गे पुल निर्माणमा भ्रष्टाचार भएको स्थानीयको आरोप छ। लम्कीचुहा नगरपालिका- ३ को शान्तीटोलदेखि कोपिला सामुदायिक बन जोडने धोवेनी खोलामा निमार्णाधिन झोलुङ्गे पुल निमार्णका क्रममा समितिले १८ लाख रुपैयाँ भ्रष्टाचार गरेको आरोप लागेको हो।

अघिल्लो आर्थिक वर्षबाट काम सुरु भएको झोलुङ्गे पुलको निमार्ण कार्य फागुनमा सम्पन्न भएको हो। पुल निमार्णको काम सम्पन्न भएपछि स्थानीयहरूको ज्यालामजदुरी बाफत भन्दै कीर्ते हस्ताक्षर गरी करिब १८ लाख निकासा भएपछि घटना सार्वजनिक भएको हो।

लम्कीचुहा नगरपालीका- ३ धोबेनी खोलामा झोलुङ्गे पुल निमार्णका लागि करिब ६५ लाख विनियोजन गरीएको थियो।

विनियाेजन गरीएको बजेटमा १८ लाख रुपैयाँ बचत भएको तर स्टेमट अनुसार काम नगरी बचेको रकम उपभोक्ता समिति पदाधिकारी र स्थानीयहरूलाई श्रमदान गरेको भन्दै रकम बाडफाँट गरीएको पाइएको हो। तर वितरण गरिएको रकम अधिकांश स्थानीयले पाएका छैनन्।

अधिकांश स्थानीयको कीर्ते हस्ताक्षर गरी पुल निमार्णमा मजदुरी गरेको भन्दै रकम निकासा भएको तथ्यले समेत देखाएको छ। रकम निकासा गरीएका व्यक्तिहरू कतिपय गाउमै छैनन् भने कतिपय अध्ययनको सिलसिलामा काठमाडौँमा छन् भने कतिपय अहिले पनि भारतामा रोजगारी गरीरहेका छन्।

उता, रकम बाडँफाँटको विषयमा कुरा नमिल्दा पुल उपभोक्ता समितिका अध्यक्ष पूर्णप्रसाद बजगाई र सचिव महेन्द्र तिमिल्सिनाबीच विवाद भइ हात हालाहाल‍समेत भएको स्थानीयले बताएका छन्।

सो विषय बाह‍िर आएपछी वडा नम्बर ३ का वडा अध्यक्ष लबबहादुर शाही गाउँमा गएर सहजीकरण गरेको र आफूले यो विषय मिलाउने बताएका छन्।

विकास निमार्णमा भएका काम कारवाहीको अनुगमनको जिम्मेवारी पाएको लम्कीचुहा नगरपालिकाका नगर उपप्रमुखसमेत रहेको अनुगमन समितिकी संयोजक जुना चोधरीलेसमेत सो विषयको विवाद गाउँमै मेलमिलापद्वारा समाधान गरिनुपर्ने बताएकी छन्।

उपभोक्ता समिति र बजेटको सम्बन्धमा उपभोक्ता समितीमा नगएका, सो योजनामा कुनै पारिश्रमिकको रूपमा वा श्रमदानको रुपमा काम नगरेका ब्यक्तिको नाममा पुलको काम गरेवाफत बुझी लिएको कृते भरपाइ बाहिर आएकाे छ।

उपभोक्ता समितिका अधयक्ष बजगाईले भने करिव ८ लाख ७१ रुपैयाँ बचत भएको र सो रकम आफूले खर्च गरेको स्वीकार गरेका छन्। समतिका अध्यक्ष र सचिव नाताले भिनाजु र साला भएको समेत खुल्न आएको छ।

परिवारकै सदस्य र आफन्तलाई राखेर उपभोक्ता समति गठन गरीएकोले अझै बढी आर्थिक चलखेल भएको हुन सक्ने स्थानीयको आशंका छ।

लम्कीचुहा नगरपालिकाको आर्थिक वर्ष २०७८/०७९ को बजेट र झुलुङ्गेपुल विकास समितिको बजेटमार्फत स्थानीय सरकार लम्कीचुहा नगरपालिकाको कार्यालयद्वारा कार्यान्वयन भएकोले उक्त योजनाको तत्काल छानविन गरी दोषीलाई कारवाहीको दायरामा ल्याउन स्थानीयले माग गरेका छन्।

  • साझा परिवेश
  • बुधबार, चैत्र १५, २०७९ १३:0२

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट