देशको गरिमा अन्तर्राष्ट्रियस्तरसम्म झुक्यो, दोषीले उन्मुक्ति नपाओस् : लिङ्देन
साझा परिवेश
बुधबार, बैशाख २७, २०८० १२:४३
काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नक्कली भुटानी शरणार्थी प्रकरणमा कारबाहीको प्रगति विवरण प्रतिनिधिसभा बैठकमा जानकारी गराउन सरकारसँग माग गरेका छन् । प्रतिनिधिसभाको आजको बैठकमा उनले यस विषयमा सभामुखबाट रूलिङको माग गरे ।
लिङदेनले शीर्ष नेताहरू भेट्दासमेत जनतामा कारबाही कमजोर बनाउन भएको हो कि भन्ने शंका बढेको बताए । “यसमा कति प्रगति भएको छ, कारबाही प्रक्रिया कहाँ पुग्यो संसद्लाई जानकारी गराउन माग गर्छु । सरकारले प्रतिवद्धता व्यक्त गर्नुपर्यो र प्रगति कति भयो यहाँ जानकारी गराउनुपर्छ,” उनले भने, “यसमा सभामुखबाट रूलिङ होस् ।”
सांसद लिङ्देनले देशको गरिमा अन्तर्राष्ट्रियस्तरसम्म झुकेको भन्दै दोषीलाई उन्मुक्ति दिने र कमजोर बनाउने काम नगर्न अनुरोध गरे ।
