सभाहलमा बसेको बैठकबाट कार्यतालिका परिमार्जनसहित पारित
जेठ ३१ गते कार्कीविरुद्धका उजुरीकर्तालाई समिति बैठकमा बोलाएर छलफल गरिने
१० मिनेटका दरले बोल्न दिने
जेठ ३२ गते प्रस्तावित प्रधानन्यायायाधीश कार्कीलाई समितिमा बोलाएर सुनवाइ गर्ने
संसदीय सुनुवाइ समितिले सर्वोच्च अदालतका प्रस्तावित प्रधानन्यायाधीश हरिकृष्ण कार्कीको सुनवाइ तालिका परिमार्जन गरेको छ । सोमबार सिंहदरबारस्थित समितिको सभाहलमा बसेको बैठकबाट कार्यतालिका परिमार्जनसहित पारित गरिएको हो । यही जेठ ३१ गते कार्कीविरुद्धका उजुरीकर्तालाई समिति बैठकमा बोलाएर छलफल गरिने भएको छ ।
उजुरीकर्तालाई १० मिनेटका दरले बोल्न दिने तालिका बनाइएको छ । उनीहरूका उजुरीमाथि सुनुवाइ सकिएपछि जेठ ३२ गते प्रस्तावित प्रधानन्यायायाधीश कार्कीलाई समितिमा बोलाएर सुनवाइ गर्ने तालिका तय गरिएको छ ।
समितिले यसअघि यही जेठ ३० र ३१ गते उजुरीकर्तासँग छलफल गर्ने कार्यतालिका प्रस्तुत गरिएको थियो । गएको शुक्रबारसम्म दिइएको समयसीमामा कार्कीविरुद्ध २९ उजुरी परेका छन् ।
