झापा कारागारमा झडप भइरहेको छ। के कारणले झडप भएको हो भन्ने कुरा खुल्न सकेको छैन। आगो बालेर जमघट गर्दै ढुंगा प्रहार पनि भइरहेको छ। भित्र ब्यापक आगजनी भइरहेको छ, कारागार भित्रबाट ढुंगा प्रहार भइरहेको छ, प्रहरी भित्र जाने अवस्था पनि छैन, दमकलले आगो निभाउने काम भइरहेको छ।
बिगत केहि समय देखि शान्त भइरहेको कारागार के कारणले आज यो घटना भइरहेको छ भन्ने खुल्न सकेको छैन। बाक्लो प्रहरीको जमात देख्न सकिन्छ। बिधुतको लाइन पनि काटिएको छ, बाटोभरी ढुंगा मुडा देख्न सकिन्छ । कैदीहरु पुरै आक्रोसमा रहेको देख्न सकिन्छ। अर्को पनि दमकल मेचीनगरबाट आएको छ। कैदीबन्दीहरु भागेको पनि भन्ने हल्ला भइरहेको छ।
भित्रबाट लगातार ढुंगाप्रहार भइरहेको छ, आगोमा बाहिरबाट नै पानि हाल्ने काम भइरहेको छ। कैदीहरु छत माथी गएर कराउने गरिरहेका छन्। प्रहरीहरुले कारागारलाई चारैतिरबाट घेराबन्दी गरिरहेको छ। प्रहरीलाई लक्षितगरी ढुंगा प्रहार भएको छ।
भित्र प्रहरी प्रवेश गर्न सक्ने अवस्था नै छैन। ऐले आगो निभेको छ तर नाराबाजी भइरहेको छ। भद्रपुरस्थित झापा कारागारमा खास किन यस्तो भयो भन्ने खुल्न नसकेको मेचीनगरका संचारकर्मी खगेन्द्र घिमिरेले बताउनु भयो।
