जसपाका कार्यकारिणी समितिका सदस्यहरुको भेट गर्ने तय
हत्याकाण्डको अनुसन्धान गरी दोषीलाई कारबाही गर्ने सरकार र गौरविच सहमति
यो सहमति लगत्तै जसपाका नेताहरु अनौपचारिक छलफलमा
काठमाडौं ।।
गौर हत्याकाण्डबारे पीडितसँग सरकारले गरेको सहमतिप्रति जनता समाजवादी पार्टी (जसपा) ले चासो प्रकट गरेको छ । यस विषयमा छलफल गर्न जसपाका नेताहरु पार्टी केन्द्रीय कार्यालय, बालकुमारी ललितपुरमा आकस्मिक रुपमा भेट्दैछन् । नेताहरुका अनुसार केहीबेरमा कार्यकारिणी समितिका सदस्यहरुको भेट गर्ने तय भएको छ ।
जसपाका नेता मनिष सुमनका अनुसार नेताहरुको नियमित भेटघाट छ । कुनै औपचारिक बैठक भने राखिएको छैन । बुधबार सरकार र गौर हत्याकाण्ड पीडित संघर्ष समितिबीच २७ जनाको ज्यान जाने गरी १७ वर्षअघि भएको हत्याकाण्डको अनुसन्धान गरी दोषीलाई कारबाही गर्ने सहमति भएको छ ।
लगत्तै जसपाका नेताहरु अनौपचारिक छलफलमा जुटेका हुन् । अनौपचारिक छलफलबाट धारणा बनाउने र आवश्यक परे औपचारिक बैठक राखेर पार्टीको धारणा सार्वजनिक गरिने नेताहरुले बताएका छन् ।
