बच्चामा प्रयोग हुने ‘एन्टिबायोटिक’ औषधि बिक्री गर्न नपाइने
साझा परिवेश
बिहिबार, साउन २५, २०८० १३:२९
बालबालिकामा प्रयोग हुने ‘एन्टिबायोटिक औषधिलाई बिक्री वितरणमा रोक
‘इन्क्लेभ बिड’ नामक एन्टिबायोटिक सिरपको ब्याच नम्बर डीईबी १६८ मा खराबी
विवरण बुझाउन उत्पादक कम्पनीलाई विभागको निर्देशन
ब्याचको औषधि सिफारिस र प्रयोग नगर्न पनि विभागको अनुरोध
काठमाडौं ।।
औषधि व्यवस्था विभागले क्युरेक्स फर्मास्युटिकल्सद्वारा उत्पादित एक एन्टिबायोटिक औषधिलाई बिक्री वितरणमा रोक लगाएको छ । राष्ट्रिय औषधि प्रयोगशालामा परीक्षण गर्दा उक्त औषधि न्यून गुणस्तरीय पाइएको विभागले जनाएको छ ।
बालबालिकामा प्रयोग हुने ‘इन्क्लेभ बिड’ नामक एन्टिबायोटिक सिरपको ब्याच नम्बर डीईबी १६८ मा खराबी देखिएको हो । सो औषधि बिक्री वितरण नगर्न र बजारमा भएको तत्काल फिर्ता गरी सोको विवरण बुझाउन विभागले उत्पादक कम्पनीलाई निर्देशन दिएको छ । साथै, सो ब्याचको औषधि सिफारिस र प्रयोग नगर्न पनि विभागको सबैमा अनुरोध छ ।
