गाेलाप्रथामार्फत नाै लाख आवेदकले १० कित्ताका दरले आइपिओ प्राप्त गरेका छन्।
आइपिओमा कुल १५ लाख ८४ हजार ५९७ जनाले आवेदन परेकाेमा एक लाख ७७ हजार ३६० जनाको आवेदन रद्द भएको बिक्री प्रबन्धकले जानकारी दिएको छ। योग्य १४ लाख सात हजार २३७ आवेदकलाई गोलाप्रथामा सहभागी गराइएको थियो।
कम्पनीले प्रतिशेयर १०० रुपैयाँ अंकित मूल्यमा १४४ रुपैयाँ प्रिमियम थप गरी प्रतिशेयर कुल २४४ रुपैयाँमा आईपीओ जारी गरेकाे थियाे ।
कम्पनीले जारी पुँजी तीन अर्ब ७५ करोड रुपैयाँको ३० प्रतिशत अर्थात् एक अर्ब १२ करोड ५० लाख रुपैयाँ बराबरको एक करोड १२ लाख ५० हजार कित्ता सेयर निष्कासन गर्ने अनुमति पाएको थियो। जसमध्ये पाँच प्रतिशत अर्थात् पाँच करोड ६२ लाख ५० हजार रुपैयाँ बराबरको पाँच लाख ६२ हजार ५०० कित्ता प्रतिशेयर १०० रुपैयाँमा कम्पनीका कर्मचारीहरूका लागि निष्कासन गरेको थियाे ।
त्यस्तै, कम्पनीले बाँकी एक अर्ब छ करोड ८७ लाख ५० हजार रुपैयाँ बराबरको एक करोड छ लाख ८७ हजार ५०० कित्ता सेयरको १० प्रतिशत अर्थात् ११ लाख २५ हजार कित्ता वैदेशिक रोजगारीमा रहेका नेपाली नागरिकहरूका लागि र पाँच लाख ६२ हजार ५०० कित्ता सेयर सामूहिक लगानी कोषहरूका लागि निष्कासन गरी बाँडफाँट गरिसकेको छ।
इन्स्योरेन्सले भदौ १५ गतेदेखि १९ गतेसम्म सर्वसाधारणका लागि प्रतिशेयर १०० रुपैयाँ अंकित मूल्यमा १४४ रुपैयाँ प्रिमियम थप गरी प्रतिशेयर २४४ रुपैयाँमा ९० लाख कित्ता शेयर निष्काशन गरेको थियो।
आइपिओकाे नतिजा लगानीकर्ताले बिक्री प्रबन्धक प्रभु क्यापिटलको वेबसाइट र मेरोसेयर एकाउन्टबाट हेर्न सक्नेछन्। साथै, कम्पनीको वेबसाइट तथा सीडीएस एन्ड क्लियरिङको वेबसाइटबाट पनि नतिजा हेर्न सकिने जनाइएकाे छ ।
