जन्मजात बोल्न नसक्ने २३ वर्षीय सञ्जय भण्डारीले एकै परिवारका ३ सहित ४ जनाको हत्या किन गरे ?
साझा परिवेश
सोमवार, अशोज १, २०८० ११:४७
काठमाडौँ, असोज १ गते । काठमाडौँको तीनकुनेस्थित दिव्य सःमिल काठ गोदाममा शुक्रबार राति भएको सामूहिक हत्या घटनामा प्रहरीले सिन्धुपाल्चोक बाह्रबिसे–९ का २३ वर्षीय सञ्जय भण्डारीलाई पक्राउ गरी अनुसन्धान सुरु गरेको छ । जिल्ला प्रहरी परिसर काठमाडौँका प्रहरी उपरीक्षक कुमोद ढुङ्गेल, प्रहरी नायब उपरीक्षक अङ्कुर जिसीसहितको प्रहरी टोलीले अनुसन्धानका क्रममा आरोपित भण्डारीलाई काँडाघारीस्थित वीरेन्द्र चोकबाट शनिबार पक्राउ गरेको हो ।
उपत्यका अपराध अनुसन्धान कार्यालयका प्रमुख सोमेन्द्रसिंह राठौरले पक्राउ परेका भण्डारी र मृतक नवीन राईबिच मोटरसाइकल दुर्घटनाको विषयमा गत वैशाखमा विवाद भएको थियो । मोटरसाइकलमा सवार राईले पैदलयात्री भण्डारीलाई सामान्य ठक्कर दिएपछि भएको विवादमा उल्टै कुटपिट गरेपछि भण्डारीले प्रतिशोधस्वरूप हत्या गरेको प्रारम्भिक अनुसन्धानबाट खुलेको राठौरले जानकारी दिनुभयो ।
