असोज १८ गतेदेखि माथिल्लो मैलुङ खोलाको आईपीओ निष्काशन हुँदै

असोज १८ गतेदेखि सर्वसाधारणहरूका लागि खुल्ने आईपीओ असोज २२ गतेसम्म आवेदन दिन सकिने
माथिल्लो मैलुङ खोलाले असोज १८ गतेदेखि सर्वसाधारणका लागि आईपीओ बिक्री खुला गर्ने

माथिल्लो मैलुङ खोलाले असोज १८ गतेदेखि सर्वसाधारणका लागि आईपीओ बिक्री खुला गर्ने भएको छ । कम्पनीले सर्वसाधारणका लागि १२ लाख ८४ हजार २ सय कित्ताका आईपीओ जारी गर्न लागेको हो ।

कम्पनीका अनुसार एक अर्ब जारी पुँजी मध्ये रोजगारीमा गएका नेपालीका लागि १० प्रतिशत अर्थात् १ लाख ५० हजार कित्ता र सामूहिक लगानी कोषलाई ७५ हजार कित्ता बाँडफाँट गरी बाँकी रहेकोमा ९ हजार २ सय कित्ता थप गरी १२ लाख ८४ हजार २ सय कित्ता सर्वसाधारणहरूका लागि निष्काशन गर्न लागेको हो ।

कम्पनीले आयोजना प्रभावित र वैदेशिक रोजगारमा गएका नेपालीका लागि आईपीओ निष्काशन तथा बाँडफाँड भैसकेको छ ।

यहि असोज १८ गतेदेखि सर्वसाधारणहरूका लागि खुल्ने आईपीओ असोज २२ गतेसम्म आवेदन दिन सकिनेछ । जहाँ उक्त अवधिमा सबै सेयर बिक्री नभएमा कात्तिक २ गतेसम्म आवेदन दिन सक्ने कम्पनीले जनाएको छ ।

लगानीकर्ताले न्यूनतम १० कित्तादेखि अधिकतम १० हजार कित्ताका लागि आवेदन दिन सक्नेछन् ।

कम्पनीले रसुवा जिल्लामा १४ दशमलव ३ मेगावाट क्षमताको माथिल्लो मैलुङ खोल जलविद्युत आयोजना निर्माण गरिरहेको छ । जहाँ आयोजनको कुल अनुमानित लागत २ अर्ब ५० करोड रूपैयाँ रहेको छ ।

• संसद विघटन