April 3, 2025 | बिहिबार, चैत्र २१, २०८१
सुचनाहरु
प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै जारी अधिवेशनको अन्तिम प्रतिनिधि सभा बैठक आज बस्दै, यस्तो छ कार्यसूची किच्चकबधमा उत्खनन गर्दा भेटियो ‘दरबारको जग’ घट्यो पेट्रोलियम पदार्थको मूल्य, कति पुग्यो? म्यान्मार गएको विनाशकारी भूकम्पमा २ हजार भन्दा बढीले गुमाइसके ज्यान त्रिवि केन्द्रीय क्याम्पसमा नेविसंघका जोशीले ८ मतले मारे बाजी साढे पाँच महिनापछी घण्टी बजाउँदै सभापतिको जिम्मेवारीमा फर्किए रबि लामीछाने प्रदर्शनमा जिउँदै जलाइएका संचारकर्मी सुरेशको परीवारले भेटे प्रधानमन्त्रिलाई प्रधानमन्त्रीले आज संसदमा बोल्दैछन् कुलमान घिसिङको बर्खास्तीबारे

पूर्वराष्ट्रपतिद्वारा दीपावलीको शुभकामना

  • साझा परिवेश
  • आइतवार, कार्तिक २६, २०८० ११:0३
पूर्वराष्ट्रपतिद्वारा दीपावलीको शुभकामना
  • पूर्वराष्ट्रपति विद्यादेवी भण्डारीद्वारा महान् चाड तिहारको शुभकामना
  • देउसी भैलोको दक्षिणाबाट सङ्कलित कोषलाई सामाजिक र सामुदायिक हितका कार्यमा लगाउन अनुरोध 
  • सबैलाई सत्य र न्यायको मार्गमा अग्रसर रहन पथ प्रदर्शन गर्न सकोस् भन्ने कामना

काठमाडौं।।

पूर्वराष्ट्रपति विद्यादेवी भण्डारीले नेपालीहरुको महान् चाड तिहारको अवसरमा स्वदेश तथा विदेशमा रहेका सम्पूर्ण नेपाली दाजुभाइ दिदीबहिनीहरुको सुख, शान्ति, समृद्धि र उत्तरोत्तर प्रगतिका लागि हार्दिक शुभकामना व्यक्त गरेकी छन् । तिहारको अवसरमा शुभकामना दिँदै उनले तिहारले नेपालीहरूबीच आपसी सद्भाव, सहिष्णुता भ्रातृत्वको भावना अभिवृद्धिसँगै राष्ट्रिय एकतालाई थप सुदृढ बनाउने विश्वास व्यक्त गरेकी छन् । ‘नेपालीहरूको एक महत्त्वपूर्ण र मौलिक चाडको रूपमा रहेको तिहार पर्वको अवसरमा काग, कुकुर, गाई र गोरु लगायत पशुपंक्षीको पूजा गरिनुका साथै धन र ऐश्वर्यकी देवी लक्ष्मीको पूजा अर्चनाका साथै दीपावली गर्ने तथा दिदीबहिनीद्वारा दाजुभाइलाई सप्तरङ्गी टीका एवं सयपत्री र मखमली फूलको माला लगाई पूजा गर्ने परम्परा रहेको छ । यसरी तिहार पर्वले प्रकृति, मानव र प्राणी जगत्‌को अन्योन्याश्रित सम्बन्धलाई उजागर गर्नुका साथै दाजुभाइ तथा दिदीबहिनी बीचको पवित्र र आत्मिय सम्बन्धलाई प्रगाढ बनाउँदछ ।’

पूर्वराष्ट्रपति भण्डारीले शुभकामना सन्देशमा भनेकी छन्, ‘तिहारको अवसरमा टोल छिमेकका घरघरमा गएर देउसी भैलो खेल्ने, देउसे र भैलेनी टोलीलाई गच्छेअनुसारको दक्षिणा दिने र त्यसबापत टोलीद्वारा घरबेटीलाई सुख, शान्ति र समृद्धिको लागि शुभ आशिष् दिने अत्यन्त मौलिक र सुन्दर परम्परा समेत रहेको छ । देउसी भैलोको दक्षिणाबाट सङ्कलित कोषलाई सामाजिक र सामुदायिक हितका कार्यमा लगाउने असल अभ्यासलाई हामीले जोगाउनु पर्दछ भने तिहारलाई जुवा तास खेल्ने अवसरका रूपमा लिने नकारात्मक पक्षलाई भने हामीले हटाउँदै जानु पर्दछ ।’ पूर्वराष्ट्रपति विद्यादेवी भण्डारीले दीपावलीको प्रकाशले सबैलाई सत्य र न्यायको मार्गमा अग्रसर रहन पथ प्रदर्शन गर्न सकोस् भन्ने कामना गरेकी छन् । ‘पौराणिक, सांस्कृतिक र व्यवहारिक महत्त्व बोकेको तिहारलाई हामी दीपावलीको नामबाट समेत जान्दछौं । दीपावलीको माध्यमबाट प्रकट हुने उज्यालो प्रकाशले हामी सबैलाई सत्य र न्यायको मार्गमा अग्रसर रहन पथ प्रदर्शन गर्न सकोस् भन्ने कामना गर्दछु ।’ पूर्वराष्ट्रपति भण्डारीले भनेकी छन् ।

  • साझा परिवेश
  • आइतवार, कार्तिक २६, २०८० ११:0३

प्रतिक्रिया

तपाइको प्रतिक्रिया दिनुहोस्

नेपाल अपडेट