झापाको गौरादह खानेपानी तथा उपभोक्ता समितिमा काङ्ग्रेस – एमाले प्यानलसित राप्रपा-माओवादी-रास्वपाको प्यानल भिड्दै

 

झापा- गौरादह खानेपानी तथा सरसफाई उपभोक्ता समितिको फाल्गुन ९ गते हुने निर्वाचनको लागी शनिबार मनोनयन दर्ता भएको छ। अध्यक्ष पदमा नगेन्द्र कार्की (नरेश) र कृष्णप्रसाद बाँस्कोटाको मनोनयन दर्ता भएको छ। काङ्ग्रेस -एमाले सम्मिलित प्यानलको नेतृत्व गर्दै कार्कीले अध्यक्ष पदमा मनोनयन दर्ता गराएका हुन। यस्तै, राष्ट्रिय प्रजातन्त्र पार्टी, माओवादी केन्द्र, राष्ट्रिय स्वतन्त्र पार्टी सम्मीलित प्यानलको नेतृत्व गर्दै अध्यक्ष पदमा कृष्णप्रसाद बाँस्कोटाले मनोनयन दर्ता गरेका छ्न। काङ्ग्रेस -एमाले प्यानलबाट सचिवमा पुन्यप्रसाद सिग्देल, लेखा समिति संयोजकमा किशोरकुमार पौडेल, लेखा सदस्यमा रुद्र धमला र नारायण काफ्ले, कार्यसमिति सदस्यहरुमा नारायणकुमार कार्की, बिरेन्द्र बस्नेत, सीताकुमारी बुढाथोकी, रमेशकुमार थापा, कमलप्रसाद खतिवडा, महिला सदस्यहरुमा मन्दिरा खड्का, मुना संग्रौला, कौशिला कट्टेल, गोमा कडरियाको मनोनयन दर्ता भएको छ। राप्रपा-माओवादी-रास्वपा प्यानलबाट सचिवमा जगतबहादुर अधिकारी, लेखा संयोजकमा तिलक तिमल्सिना, लेखा सदस्यहरुमा सुदिप खड्का र मेनुका डाँगी, कार्यसमिति सदस्यहरुमा होमप्रसाद उप्रेती, धनपति भट्टराई, देवेन्द्रकुमार खड्का, बेनुप्रसाद काफ्ले र कुशहरी दाहाल, महिला सदस्यमा जमुना राजवंशी, पवित्रा आचार्य र बिष्णुमाया भुजेलको मनोनयन दर्ता भएको छ। गौरादह खानेपानी तथा सरसफाइ उपभोक्ता समितिमा ३४१२ जना सदस्य रहेका छ्न