July 22, 2024 | सोमवार, साउन ७, २०८१
सुचनाहरु
सुनको मूल्य बढ्यो , कति पुग्यो त तोलाको ? रविमाथि विनोद चौधरीको टिप्पणी- छानविनको घेरामा रहेको व्यक्तिले संसदमा स्टन्ट गरे आज प्रतिनिधि सभाको बैठक बस्दै, प्रधानमन्त्रीसँग प्रश्नोत्तरको कार्यसूची परराष्ट्र सचिव लम्साल आज चीन जाने ग्लोबल टी–२० लिग खेल्न सन्दीप क्यानडा प्रस्थान डेढ लाख घुससहित बिपी कोइराला क्यान्सर अस्पतालकी अधिकृत अख्तियारको नियन्त्रणमा पूर्व राज्यमन्त्री रायको हत्या बलिङ नचल्दा पाकिस्तानसँग नेपाल पराजित आज साउनको पहिलो सोमबार न्यूरोडमा पैदलमार्ग विस्तार गर्दा मेयर शाहले भ्रम फैलाएको स्थानीयको आरोप आज गुरुपूर्णिमा मनाइँदै सिमलताल बस दुर्घटना : बेपत्ता यात्रु र बसको खोजी गर्न भारतीय टोली आइपुग्यो रास्वपाको संसदीय दलको बैठक बस्दै भिसा प्रकरणमा उपसभामुख रानामगरले आर्थिक लेनदेन गरेको भेटिएन – रास्वपा महिला एसिया कप : आज नेपाल र पाकिस्तान तथा भारत र यूएईबीच प्रतिस्पर्धा गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि

८२ जनाको निःशुल्क मोतियाविन्दुको शल्यक्रिया

  • साझा परिवेश
  • बिहिबार, चैत्र ९, २०७९ १४:२२
८२ जनाको निःशुल्क मोतियाविन्दुको शल्यक्रिया

म्याग्दी। हिमाली जिल्ला म्याग्दीको बेनीमा भएको निःशुल्क आँखा चेकजाँच तथा शल्यक्रिया शिविरमा ८२ जना व्यक्तिको आँखामा भएको मोतियाविन्दु समस्याको सफल शल्यक्रिया गरिएको छ । जिल्लाका विभिन्न स्थानमा भएको घुम्ती शिविरबाट पहिचान भएका तथा बेनीमै भएको शिविरमा पहिचान भएका गरी कुल ८२ जनामध्ये ३ जना रोगीको दुवै आँखामा मोतियाविन्दुको शल्यक्रिया गरिएको नेपाल नेत्रज्योति संघ जिल्ला शाखा म्याग्दीका सभापति अमरबहादुर बानियाँले जानकारी दिनुभयो ।

तीन दिनसम्म बेनीमा भएको निःशुल्क आँखा जाँच तथा शल्यक्रिया शिविरको ओपीडी परीक्षणमा आठ सय ६९ जनाले आँखाको परीक्षण गराउनुभएको थियो । बेनी अस्पताल म्याग्दी परिसरमा सञ्चालित शिविरबाट ३५ जना मोतियाबिन्दुका बिरामी पहिचान भएको थियो ।

यसअघि नेत्र ज्योति संघले रघुगंगा गाउँपालिकाको पाखापानीमा गरेको शिबिरमा पाँच जना, मंगला गाउँपालिकाको कुहुँमा पाँच जना, बरंजामा ४ जना अन्नपूर्ण गाउँपालिकाको शिखमा ६ जना हिस्तानमा ६ जना र राम्चेमा ५ जना गरी ३१ जना पहिचान गरेको थियो । त्यस्तै रघुगंगाको भगवतीमा १० जना र अन्नपूर्ण गाउँपालिकाको पोखरेबगरमा ६ जना मोतियाबिन्दुका बिरामी पहिचान भएको थियो ।

पोखरा व्यावसायिक महिला क्लब र नेत्रज्योति संघ म्याग्दीको आयोजना, मिसाल बाबर एण्ड फ्रेण्ड्स बाडेन–बाडेन जर्मनीको आर्थिक सहयोग तथा हिमालय आँखा अस्पताल घारीपाटन पोखराको प्राविधिक सहयोगमा निःशुल्क आँखा जाँच तथा शल्यक्रिया शिविर सञ्चालन गरिएको थियो ।

शिविरमा हिमालय आँखा अस्पताल पोखराका नेत्ररोग विशेषज्ञ डा. अन्जु गुरुङको नेतृत्वमा ८ जनाले आँखाको चेकजाँच तथा शल्यक्रिया सेवा उपलब्ध गराएको थियो । शिविरमा आएका सर्वसाधारण तथा बिरामीमा आँखासम्बन्धी अन्य रोगको समेत पहिचान गरिएको छ । थप उपचारका लागि रिफर गरिएको नेत्रज्योती संघ म्याग्दीले बेनीमा सञ्चालन गरेको आँखा उपचार केन्द्रका प्रमुख एवं नेत्र अधिकृत दिनेश बानियाँले बताउनुभयो ।

  • साझा परिवेश
  • बिहिबार, चैत्र ९, २०७९ १४:२२

प्रतिक्रिया

तपाइको प्रतिक्रिया दिनुहोस्