निर्देशक माधव शर्माको निर्देशनमा सेल्फी मोवाइलमा गीतको भिडियो सार्वजनिक

निर्देशक माधव शर्माको निर्देशनमा तयार सेल्फी मोवाइल बोलको गीतको भिडियो सार्वजनिक गरिएको छ ।भक्तपुर दरबार स्क्वायरमा छायांकन गरिएको उक्त गीतमा चर्चित टिकटक स्टार सुधिर श्रेष्ठ, मोडल रोशन केसी, टिकटकर जुम्ल्याहा दिदी बहिनी प्रिज्मा र प्रिन्सी खतिवडाको मुख्य अभिनय रहेको छ ।

भिडियोले खुशी साथ प्रेम र रोमान्समा डुब्दै मोवाइलमा सेल्फी खिच्ने जोडीको रमाइलो शैलीलाई देखाएको छ ।

अमेरिकामा बस्दै आएका गीतकार ज्ञानेश्वर तिवारीको शब्द शृजना रहेको सार्वजनिक गीतमा गायक किरण गजमेर र चर्चित गायिका अस्मिता अधिकारीको स्वर रहेको छ भने  जसमा लोकप्रिय संगीतकार दीपक शर्माको संगीत र नरेन्द्र बियोगीको एरेन्ज, मिक्सिगं तथा मास्टरिगं रहेको छ ।

डान्सिगं शैलीको रोमान्टिक सेल्फी मोवाइलमा दुई जोडीलाई खुशी साथ प्रेमालाप गरेका दृश्यहरु देख्न सकिन्छ ।

भिडियोको छायांकनको मिति पटक पटक सर्दै जाँदा करिब १ महिनाको अन्तरालपछि प्रिज्मा, प्रिन्सी, रोशन र सुधिरको मिल्दो समय र कोरियोग्राफर सन्तोष राजवाहकको पनि मिल्दो समय छोपेर माघको अन्त्यतिर साँझपखको चिसो छल्दै छायांकन गरिएको त्यो रमाइलो क्षणलाई मुस्कुराउँदै सम्झिछन् निर्देशक शर्मा ।

छायांकनको मिति लामो समय लम्बिँदा पनि निर्माता समेत रहेका गीतकार तिवारीको हौसलाका कारण सेल्फी मोवाइलले आज यसरी मूर्तरुप पाउँदा खुशी छन् निर्देशक शर्मा । निर्देशक शर्माको निर्देशनमा तयार यसअघि चिना र जोखानाले राम्रो चर्चा बटुलेको थियो भने  जुन भिडियो निर्देशक शर्माले संगीतकार दीपक शर्मासँगको सहकार्यमा तयार पारेका थिए ।

सार्वजनिक गीत सेल्फी मोवाइलमा सन्तोष राजवाहकको कोरियोग्राफी, नवराज उप्रेतीको छायांकन, मिलन श्रेष्ठको सम्पादन तथा राजेन्द्र मोक्तानको कलरिगं रहेको छ ।

अम्बिका अधिकारीको निर्माण रहेको सेल्फी मोवाइल ओएसआर डिजिटलबाट बजारमा आएको हो ।

• संसद विघटन