June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

डिभोर्सको मुद्दा चल्दाचल्दै यौनशोषण गरेको आरोपमा न्यायाधीश गिरीमाथि पत्नीको अर्को जाहेरी

  • साझा परिवेश
  • बिहिबार, चैत्र ३०, २०७९ ११:१९
डिभोर्सको मुद्दा चल्दाचल्दै यौनशोषण गरेको आरोपमा न्यायाधीश गिरीमाथि पत्नीको अर्को जाहेरी

काठमाडौं । न्यायपरिषद्का न्यायाधीश भुवन गिरीमाथि कान्छी पत्नी आरती रावलले अर्को जाहेरी दर्ता गरेकी छन् ।

उनले आफूमाथि श्रीमानले फेरि बलात्कार गरेको भन्दै महिला बालबालिका तथा ज्येष्ठ नागरिक सेवा केन्द्र कालीमाटीमा हिजो जाहेरी दिएकी हुन् ।

३९ वर्षीय रावलले यसअघि गिरीमाथि वैवाहिक बलात्कार तथा घरेलु हिंसा गरेको आरोपमा जिल्ला प्रहरी कपिलवस्तुमा जाहेरी दिएकी थिइन् ।
सोही जाहेरीका आधारमा प्रहरीले गिरीलाई जिल्ला अदालत कपिलवस्तुमार्फत पक्राउ पुर्जी जारी गरेको थियो ।

गिरीलाई प्रहरीले मंगलबार काठमाडौंबाट पक्राउ गरी कपिलवस्तु पठाइसकेको छ ।
पक्राउ पुर्जी जारी भइसकेपछि पनि गिरीले आफ्नै कोठामा आएर बलात्कार गरेको भन्दै रावलले हिजो अर्को जाहेरी दिएकी हुन् ।

रावलले जाहेरीमा उल्लेख गरेअनुसार गिरीले उनलाई अस्ति फोन गरेर एकपटक जसरी पनि भेट्न आग्रह गरेका थिए ।
त्यसपछि उनीहरूको भेट सुन्धारास्थित काठमाडौं मलमा भएको थियो ।

भेटपश्चात आफ्नो मोबाइलसमेत कब्जामा लिएर गिरीले मुद्दा फिर्ता लिन दबाब दिएको रावलको आरोप छ ।
आफूले नमानेपछि पछ्याउँदै गोंगबुस्थित आफ्नो कोठामै आएको उनले बताएकी छन् ।

यो पनि पढ्नुहाेस्- न्यायाधीश गिरीले हिजो राति आफ्नै कोठामा आएर जबरजस्ती गरेको पत्नीको आरोप

रावल अहिले गोंगबुमा कोठा भाडामा लिएर एक्लै बस्दै आएकी छन् । उनकै कोठामा गिरीले सोमबारको रात बिताएका थिए ।
त्यसक्रममा आफूलाई रातभर बलात्कार गरेको रावलले जाहेरीमा उल्लेख गरेकी छन् ।

राति १० बजेदेखि बिहान ३ बजेसम्म ८ पटक बलात्कार गरेको उनको आरोप छ । भोलिपल्ट बिहान गोङ्गबु प्रहरीले कोठामै आएर गिरीलाई पक्राउ गरेको थियो ।

न्यायाधीश गिरीसँग आफ्नो विवाह २०७५ सालमा भएको तर आफूलाई केवल यौनदासीका रूपमा व्यवहार गरेको रावलको आरोप छ ।
विवाहपश्चात् आफ्नो गर्भ बसेपछि श्रीमानले गर्भपतन गर्न दबाब दिएको तर नमानेपछि कुटपिट गरेको उनले बताएकी छन् ।

कुटपिटबाट आफ्नो गर्भ खेर गएको उल्लेख गर्दै रावलले त्यसपश्चात् जिल्ला प्रहरी कार्यालय धनगढीमा जाहेरी दिएको तर चौतर्फी दबाबपछि फिर्ता लिन बाध्य भएको उल्लेख गरेकी छन् ।

त्यसपश्चात् पनि श्रीमानबाट जबरजस्ती करणी, कुटपिट र यातना जारी रहेको भन्दै दोस्रो पटक उनले जिल्ला प्रहरी कार्यालय कपिलवस्तुमा जाहेरी दिएकी हुन् ।
उनको जाहेरीपछि न्यायाधीश गिरीले बाँके जिल्ला अदालतमा सम्बन्धविच्छेदको मुद्दा दिएका छन् । सो मुद्दा विचाराधीन छ ।

डिभोर्सको मुद्दा चलिसकेको अवस्थामा यदि श्रीमानले श्रीमतीलाई जबरजस्ती करणी गरेको खण्डमा त्यसलाई ‘वैवाहिक बलात्कार’ नभएर सिधै ‘बलात्कार’ मान्ने कानूनी व्यवस्था छ ।
त्यसमै टेकेर अहिले रावलले श्रीमानविरुद्ध बलात्कारको अर्को जाहेरी दिएकी हुन् ।

यता, गिरीले पनि रावलमाथि कुनै मुद्दा हाल्न बाँकी राखेका छैनन् । उनले आफ्नो कोठाबाट पैसा चोरी गरेको भन्दै प्रहरीमा उजुरी दिएका थिए भने बाँके जिल्ला अदालतमा रावलमाथि मानहानीसम्वन्धी सात वटा मुद्दा हालेका छन् ।

रावल न्यायाधीश गिरीकी कान्छी श्रीमती हुन् । जेठी श्रीमतीलाई अंश दिएपनि उनीसँग गिरीले सम्बन्धबिच्छेद गरेका छैनन् । जेठीपट्टीबाट गिरीका ४ सन्तान छन् ।

यस प्रकरणमा न्यायपरिषद्ले समेत गिरीमाथि छानबिन थालेकाे छ ।

  • साझा परिवेश
  • बिहिबार, चैत्र ३०, २०७९ ११:१९

प्रतिक्रिया

तपाइको प्रतिक्रिया दिनुहोस्