काठमाडौं : सिन्धुपाल्चोकका टीकाराम लोप्चन र काठमाडौंकी सोनु घतानीले १३औं राष्ट्रपति रनिङ सिल्ड बागमती प्रदेश छनोट प्रतियोगिताअन्तर्गत एथलेटिक्सको एक हजार पाँच सय मिटर दौडमा स्वर्ण जितेका छन्।
छात्रमा टीकारामले चार मिनेट ३१.५ सेकेन्डमा दौड पूरा गरे। ललितपुरका प्रवीण लिम्बू दोस्रो र नुवाकोटाका दिनेश राई तेस्रो भए। छात्रामा सोनुले निर्धारित दूरी पाँच मिनेट ३६.३ सेकेन्डमा तय गरिन्। दोलखाकी खिरकुमारी खड्का दोस्रो र काठमाडौंकी आयुष्मा आचार्य तेस्रो भए।
बागमती प्रदेश खेलकुद विकास परिषद्को आयोजनामा भएको प्रतियोगिताको छात्र हाइजम्पमा सिन्धुपाल्चोकका नवीन खड्गी पहिलो भए। नवीनले १.७३ मिटर उचाई नाघे। चितवनका समिर चौधरी दोस्रो र धादिङका रोजन श्रेष्ठ तेस्रो बने। छात्रामा १.३३ मिटर उचाई नाघेकी काठमाडौंकी अनु भुसाल शीर्ष स्थानमा रहिन्। धादिङकै सशिता तामाङ दोस्रो र काठमाडौंकी अस्विनाले कार्की तेस्रो स्थान हात पारे।
