सदस्य मधु आचार्यले पार्टी रुपान्तरणका लागि चारवटा प्रस्ताव राखे
एसी, बीसी सीसी र डीसी कांग्रेस बनाऔं
काठमाडौं ।।
नेपाली कांग्रेसका केन्द्रीय सदस्य मधु आचार्यले पार्टी रुपान्तरणका लागि चारवटा प्रस्ताव राखेका छन् । केन्द्रीय समितिको बैठकमा बोल्ने क्रममा आचार्यले एसी, बीसी, सीसी र डीसी कांग्रेसको प्रस्ताव गरेका हुन् ।
आचार्यका अनुसार एसी कांग्रेस एजेण्डामा आधारित कांग्रेस हुनेछ । एजेण्डाको आधारमा पार्टी सञ्चालन भए गुट स्वतः समाप्त हुने उनको दाबी छ ।
बीसी कांग्रेसलाई उनले बेस कांग्रेसका रुपमा अथ्र्याएका छन् । जगलाई आधार बनाएर पार्टी गतिविधि तल्लो तहमुखी हुनुपर्ने उनको भनाइ छ । ‘नेता र उम्मेदवार चुन्दा जगका सदस्यहरुको रायका आधारमा छानौं,’ आचार्यले भने ।
सीसी कांग्रेस अन्तर्गत क्लिन कांग्रेस । भ्रष्टचार मुक्त, सुशासनयुक्त कांग्रेस बनाउन भ्रष्टचार विरोधी अभियान सुरु गर्नुपर्ने उनको राय छ । आचार्य भन्छन्, ‘भ्रष्टचार विरोधी आन्दोलन पहिले पनि कांग्रेसले गरेको हो । अहिले पनि कांग्रेस नै अग्रसर हुनुपर्दछ ।’
कांग्रेस रुपान्तरणका लागि बैठकमा राखेको उनको चौथो प्रस्ताव डिसी अर्थाते डिजीटल कांग्रेस । डाटाको आधारमा काम गर्ने कांग्रेस बनाउन उनको नेतृत्वसँग आग्रह छ ।
