भक्तपुरमा नबिल बैंकको एटीएम नै फोडेर चोर्न खोजेपछि…..
साझा परिवेश
बिहिबार, भदौ १४, २०८० १२:२९
एटीएम मेसिन तोडफोड गरी चोरी गर्न खोज्दै
करिब पौने ३ बजेतिर प्रहरी वृत्त जगातीको टोलीको फन्दामा
१ थान मार्तल, १ थान फलामको रड र १ थान ह्याक्सो समेत बरामद
काठमाडौं ।।
भक्तपुरको कमलविनायकस्थित भत्केको पाटीमा रहेको नबिल बैंकको एटीएम मेसिन तोडफोड गरी चोरी गर्न खोजेको भन्दै प्रहरीले एक जनालाई पक्राउ गरेको छ । पक्राउ पर्नेमा दाङको बबई गाउँपालिका वडा नं. २ बस्ने २४ वर्षीय पूर्णबहादुर खासु छन् ।
उनलाई आज बिहान करिब पौने ३ बजेतिर प्रहरी वृत्त जगातीको टोलीले पक्राउ गरेको हो । नियन्त्रणमा लिएर शरीर खानतलासी गर्दा उनको साथबाट १ थान मार्तल, १ थान फलामको रड र १ थान ह्याक्सो समेत बरामद भएको जिल्ला प्रहरी परिसर भक्तपुरका प्रवक्ता बसन्त पाठकले जानकारी दिए ।
