करिब ८-९ वटा पुल निर्माण आयोजनाको म्याद थपका निवेदन
भविष्यमा कानुनी प्रश्न उठ्ने हो कि भन्ने आशंका
म्याद थप गर्न माग गरेका निवेदनमा निर्णय गर्न सरकारी अधिकारीहरु डराए
काठमाडौं ।।
पुल सेक्टर, काठमाडौंमा करिब ८-९ वटा पुल निर्माण आयोजनाको म्याद थपका निवेदन छन् । आयोजना प्रमुख केदारप्रसाद नेपाल म्याद थपका निवेदनहरु केलाइरहेका छन् तर भविष्यमा कानुनी प्रश्न उठ्ने हो कि भन्ने आशंका गरिरहेका छन् ।
‘केही दिनमा नै निर्णय गर्छौं’, उनले भने, ‘सरकारले जारी गरेको कार्यविधिअनुसार कतिपय विषय अस्पष्ट हुँदा निर्णय गर्न भने समस्या छ ।’
ठेकेदारले समयमा काम पूरा नगरेर म्याद थप गर्न माग गरेका निवेदनमा निर्णय गर्न सरकारी अधिकारीहरु डराएका छन् ।
नेपाल निर्माण व्यवसायी महासंघका अनुसार करिब २५ सय वटा आयोजनामा ठेक्काको म्याद थप्नका लागि विभिन्न निकायमा ठेकेदारहरुले निवेदन दिएका छन् । तर म्याद थप गर्ने अधिकार भएका कर्मचारीले आनाकानी गर्दा गत असार मसान्तमा म्याद सकिएका धेरै आयोजनाहरुको म्याद थप हुने कि नहुने अनिश्चित छ ।
महासंघका अध्यक्ष रवि सिंह धेरै आयोजना कार्यालयका प्रमुखहरु मन्त्रिपरिषद्को २० असारको बाधा अड्काउ फुकाउने निर्णयका कारण म्याद थपको निर्णय गर्न डराएका हुन् । म्याद थप गर्न तयार भएकाहरु पनि पर्याप्त म्याद दिन तयार देखिएका छैनन् । ‘१ हजारभन्दा बढी आयोजनाको म्याद नथपिने देखिएको छ’, उनले भने, ‘निर्णय गर्नेहरु नै पर्याप्त आधार छैन भन्छन्, भोलि अख्तियार जानुपर्ने डर आयोजना प्रमुखहरुमा छ ।’
करिब एक खर्ब रुपैयाँभन्दा बढी लागतका आयोजना म्याद थपको पर्खाइमा रहेका अध्यक्ष सिंहको दाबी छ । महासंघका अध्यक्ष रवि सिंह धेरै आयोजना कार्यालयका प्रमुखहरु मन्त्रिपरिषद्को २० असारको बाधा अड्काउ फुकाउने निर्णयका कारण म्याद थपको निर्णय गर्न डराएका हुन् । म्याद थप गर्न तयार भएकाहरु पनि पर्याप्त म्याद दिन तयार देखिएका छैनन् ।
‘१ हजारभन्दा बढी आयोजनाको म्याद नथपिने देखिएको छ’, उनले भने, ‘निर्णय गर्नेहरु नै पर्याप्त आधार छैन भन्छन्, भोलि अख्तियार जानुपर्ने डर आयोजना प्रमुखहरुमा छ ।’ करिब एक खर्ब रुपैयाँभन्दा बढी लागतका आयोजना म्याद थपको पर्खाइमा रहेका अध्यक्ष सिंहको दाबी छ ।
