आरती साह मृत्यु अनुसन्धानका लागि धनुषाका एसपी खड्का हेडक्वार्टर खटिए

• प्रमुख एवं प्रहरी उपरीक्षक (एसपी) विश्वराज खड्का केन्द्रीय कार्यालयमा तानिए
• प्रहरी प्रधान कार्यालयको अपराध अनुसन्धान विभागमा खटिए  
• प्रहरीले सुरुआती चरणमा कमजोरी गरेको भन्दै कारबाहीको माग

काठमाडौं ।।

जिल्ला प्रहरी कार्यालय धनुषाका प्रमुख एवं प्रहरी उपरीक्षक (एसपी) विश्वराज खड्का केन्द्रीय कार्यालयमा तानिएका छन् । धनुषाकी २२ वर्षीया आरती साह मृत्यु प्रकरणको अनुसन्धानमा कमजोरी गरेको भन्दै विवादमा रहेका एसपी खड्कालाई सोमबार प्रहरी प्रधान कार्यालयमा तानिएको हो । उनलाई धनुषाबाट प्रहरी प्रधान कार्यालयको अपराध अनुसन्धान विभागमा तानिएको छ । उनको काज सरुवा गरिएको प्रहरी प्रवक्ता एवं डीआईजी कुवेर कडायतले जानकारी दिए ।

डीआईजी कडायतले भने, “एसपी खड्काको हिजो (सोमबार) काज सरुवा भएको हो । उनको ठाउँमा अर्को एसपी पठाउने तयारी प्रधान कार्यालयको छ ।” प्रहरीले सुरुआती चरणमा कमजोरी गरेको भन्दै आरतीका आफन्त एसपी खड्कामाथि कारबाहीको मागसहित माइतीघरमा धर्नामा बसेका छन् । गएको जेठ ६ गते आरतीको मृत्यु भएको थियो । आरतीकी आमा निर्मलादेवीले एसपी खड्कासहित डीएसपी वेदप्रसाद गौतम, सई जयप्रकाश साह र प्रहरी जवान हनुमान राईको फोटो नै पोस्टरमा राखेर धर्नामा बसेकी हुन् ।

• संसद विघटन