फोहोरलाई दीर्घकालीन व्यवस्थापन गर्न प्रधानमन्त्रीसँग मेयर बालेनको आग्रह
साझा परिवेश
शुक्रबार, मंसिर २९, २०८० १२:१७
उपत्यकाको फोहोर दीर्घकालीन व्यवस्थापन गर्न आग्रह
सरकारको भूमिका समान रहेकाले सबैले सहयोग गर्न अनुरोध
उपत्यकामा खोला अतिक्रमणको समस्या समाधान पनि ध्यान दिन आग्रह
काठमाडौं ।।
काठमाडौं महानगरपालिकाका मेयर बालेन्द्र शाह (बालेन) ले काठमाडौं उपत्यकाको फोहोर दीर्घकालीन व्यवस्थापन गर्न आवश्यक सहयोग गर्न प्रधानमन्त्रीसँग आग्रह गरेका छन् ।
२९ औं महानगर दिवसको अवसरमा आयोजित कार्यक्रमलाई सम्बोधन गर्दै उनले काठमाडौं उपत्यकाको फोहोरको दिगो व्यवस्थापनका लागि महानगरपालिका, प्रदेश सरकार र संघीय सरकारको भूमिका समान रहेकाले सबैले सहयोग गर्नु पर्ने बताए ।
बालेनले अबको साढे तीन वर्षभित्र फोहोरको समस्या समाधान हुनेमा आफू आशावादी रहेको बताए । उनले तीनकुनेको मुआब्जाको समस्यालाई समाधान गर्न सहयोग गरिदिन प्रधानमन्त्री प्रचण्डसँग आग्रह गरे । मेयर बालेनले काठमाडौं उपत्यकामा खोला अतिक्रमणको समस्या समाधानका लागि पनि संघ सरकारसँग आग्रह गरे ।
