सरकारले शिक्षा विधेयक सच्याउनैपर्छ : चन्द्र भण्डारी

• शिक्षा क्षेत्र नै नबुझिकन हतारमा विधेयक बन्यो 
• अब आन्दोलनरत पक्षको माग सम्बोधन हुने गरी विधेयक पारित हुने
• चिकित्सकमाथि हातहात हुनु अत्यन्तै दु:खद

काठमाडौं ।।

नेपाली कांग्रेसका सांसद डा. चन्द्र भण्डारीले सरकारले संसद्‌मा पेस गरेको शिक्षा विधेयक सच्याउन आफूहरू लागिपरेको बताएका छन् । सरकारले शिक्षा क्षेत्र नै नबुझिकन हतारमा विधेयक ल्याएको तर्क गरे ।  बुधबार नयाँ बानेश्वरस्थित संघीय संसद् भवन परिसरमा सञ्चारकर्मीहरूले राखेका जिज्ञासाको जवाफ दिने क्रममा उनले आन्दोलनरत पक्षको माग सम्बोधन हुने गरी विधेयक पारित हुने बताए ।

“शिक्षासम्बन्धी जुन विधेयक आएको छ, यो भनेको केवल शिक्षकको व्यवस्थापन, कर्मचारीको व्यवस्थापन होइन । योसित अभिभावक हुन्छन् । योसित विद्यार्थी हुन्छन् । योसित पाठ्यक्रम हुन्छ । योसित परीक्षा प्रणाली हुन्छ । त्यसकारणले सरकारले पेस गर्ने हो । सम्बन्धित निकायसँग कुरा नगरिकन हतारमा पेस गर्‍यो । अत्यन्तै ठूलो मेच्युरिटीको अभाव । त्यसकारणले टिचरहरूले आन्दोलन गरे,” उनले भने ।

अर्को प्रसंगमा उनले चिकित्सकमाथि हातहात हुनु अत्यन्तै दु:खद भएको  बताए । यस्ता घटना हुन नदिन कडा कानून बनाउनुपर्ने उनको भनाइ छ ।  “अहिले डाक्टरहरू जुन आन्दोलनमा हुनुहुन्छ । जो मानिसको जीवनसँग जोडिएको छ । ती डाक्टरहरूमाथि हातपात हुनुभएको अन्यन्त दु:खद कुरा हो,” भण्डारीले भने ।

• संसद विघटन