यो सरकारले काम गरेन, अब विकल्पबारे छलफल गर्नुपर्छ : ओली
साझा परिवेश
शुक्रबार, अशोज १२, २०८० १३:४१
सरकारले जनभावना अनुसार काम गर्न नसक्ने
दलहरूले विकल्पबारे छलफल गर्नुपर्ने
विराटनगरको मनास्लु पार्टी प्यालेसमा कोसी प्रदेशको अधिवेशन हुँदै
विराटनगर ।।
नेपाल कम्युनिष्ट पार्टी एमालेका अध्यक्ष केपी शर्मा ओलीले यो सरकारले जनभावना अनुसार काम गर्न नसक्ने बताएका छन् । कोसी प्रदेश अधिवेशन उद्घाटन गर्न आज विराटनगर आइपुगेका ओलीले विराटनगर विमानस्थलमा भने, “यो सरकारले केही काम गरेन । अब दलहरूले विकल्पबारे छलफल गर्दा हुन्छ ।”
ओलीले आफूहरूले सरकारमा जान नचाहेको बताए । गठबन्धन सरकार भनिए पनि कांग्रेस कहाँ छ भन्ने प्रस्ट नभएको भन्दै ओलीले सरकार अपराधीको संरक्षकजस्तो देखिएको आरोप लगाए । ओलीले विराटनगरको मनास्लु पार्टी प्यालेसमा पार्टीको कोसी प्रदेश अधिवेशन आज उद्घाटन गर्दै छन् ।
