धुर्मुस सुन्तली फर्किए कला क्षेत्रमा ; आफ्नै जन्मगाउँ पुग्दा भए धुर्मुस यसरी भावुक …
साझा परिवेश
आइतवार, माघ १४, २०८० १६:0४
गौरादह / धुर्मुस- सुन्तलीको कलाकारिता क्षेत्रमा एउटा बेग्लै पहिचान छ । धेरै दर्शकको मन जितेका धुर्मुस सुन्तली केही समय कला क्षेत्रबाट एकाएक हराए । तर सात वर्ष सम्म स्टेजबाट ओझेल परेर सामाजिक कार्यमा सक्रीय भएका धुर्मुस सुन्तलीको जोडीको फेरि स्टेजमै पुनरागमन भएको छ ।
धुर्मुस-सुन्तलीले गत माघ १३ गते सनिवार झापाको गौरादहमा लायन्स कल्व अफ गौरादह युनाइटेड द्वारा आयोजित गौरादह महोत्सवमा आफ्नो प्रस्तुति दिएका छन् । महोत्सवमा उनीहरूले ‘मेरी बास्सै’कै चर्चित पात्र जोडी (धुर्मुस सुन्तली) पोशाकमै प्रस्तुति दिएका हुन । आफ्नो प्रस्तुती राख्नु अघि छोटो मन्तव्य राख्दै,” गौरादह र गौरादह वासीहरुलाई धन्यवाद दिँदै यो स्थान सम्म पुग्न गौरादहको ठुलो योगदान रहेको कलाकार सिताराम कट्टेललले बताए ।
लामो समय पछी आफ्नो जन्मथलो फर्केर साथीभाई आमाबुवा भेट्दा उनी भावुक बनेका थिए । लामो समयपछि कलाकारितामा फर्किएको र अब निरन्तर स्टेजमा देखिने धुर्मुसले बताए ।
ऊनीहरू पुनःस्टेजमा फर्किए संगै यतिखेर देशभरिका विभिन्न मेला महोत्सवमा खोज्न थालिएको छ । यसबीचमा उनीहरूको थुप्रै कार्यक्रमसमेत तय भइसकेका छन् ।
