‘नागरिक सरकार’ गठन गरी दुर्गा प्रसाईं गाउँगाउँ र वडा वडामा जाने

•  ‘नागरिक सरकार’ गठन गर्ने दुर्गा प्रसाईंको घोषणा
• आफूहरूको अभियानलाई सशक्त बनाउने निर्णय
• अति विपन्न गरिबको ऋण मिनाहा गर्नुपर्ने, धितो फिर्ता गर्नुपर्ने माग 

काठमाडौं ।।

राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक एवं मेडिकल व्यवसायी दुर्गा प्रसाईंले ‘नागरिक सरकार’ गठन गर्ने घोषणा गरेका छन् । आइतबार भक्तपुरमा पत्रकार सम्मेलन गर्दै प्रसाईंले यही मंसिर ३० गतेभित्र ‘नागरिक सरकार’ गठन गरी गाउँगाउँ, वडादेखि आफूहरूको अभियानलाई सशक्त बनाउने निर्णय गरिएको जानकारी दिए ।

उनले राजसंस्थाको मुद्दालाई थप स्थापित गराउन मेचीमा बालेको दियो फागुन १ गते काठमाडौंको वसन्तपुरमा ज्ञानेन्द्र शाहको हातबाट बालेर वैदिक सनातन धर्मसापेक्ष हिन्दुराष्ट्रसहित परिवर्तनको घोषणा गर्ने बताए । महाभियानको दबाबमूलक कार्यक्रम आफूहरूका माग पूरा गराउन सरकारको ध्यानाकर्षणका निम्ति भएको उनले उल्लेख गरे ।

उनले आफूहरूको यसअघिको आन्दोलन निकै सफल भएको बताए । अबको आन्दोलन विकेन्द्रित हुने उनको भनाइ छ । बैंक तथा लघुवित्त र बिमा कम्पनी राष्ट्रियकरण, निक्षेपको जिम्मा सरकारले लिनुपर्ने, अति विपन्न गरिबको ऋण मिनाहा गर्नुपर्ने, धितो फिर्ता, प्रदेश संरचना खारेजलगायत माग आफूहरूका रहेको उनले बताए ।

• संसद विघटन