काठमाडौं । नेपाल क्रिकेट संघ (क्यान) ले ५ समितिका संयोजक र सदस्य तोकेको छ । क्यानले प्रतियोगिता, विकास, अनुशासन, प्राविधिक र महिला क्रिकेट विकास समिति गरी ५ समितिमा बुधवार संयोजक र सदस्य तोकेको हो ।
प्रतियोगिता समितिको संयोजकमा दिवाकर घले हुँदा सदस्यमा अर्जुन पौडेल, सुदिप शर्मा, श्रीधर केसी, मो. दाउद अन्सारी र देवेन्द्र प्रजु छन् । विकास समितिमा धिरेन्द्र सावद संयोजक र करन महत्रा क्षेत्री, ऋषिराम गौतम, मनिष सिंह र अल्विन बस्नेत सदस्य छन् ।
अनुशासन समिति संयोजक सुदीप शर्मा हुँदा सदस्यमा रोचक रेग्मी र सुनिल कार्की छन् । प्राविधिक समितिको संयोजकमा विक्रम विष्ट र आयुष श्रेष्ठ, संजयकान्त सिग्देल, विनयकुमार झा र महेश रिजाल छन् ।
महिला क्रिकेट विकास समिति प्रदीप मजगैंया संयोजक र जयन्तिदेवी भट्ट सदस्य छन् । सबै समितिका संयोजक र सदस्यको कार्यकाल २ वर्षको हुनेछ ।
