यसरी हुदैछ गौरीगञ्‍ज र पूर्वी नाका बाट कपाल तस्करी !

खगेन्द्र घिमिरे 
काठमाडौं ।। झापाका बिभिन्न सिमा नाकाबाट नेपाललाइ ट्रान्जिट बनाएर कपाल तस्करी हुने गरेको रहस्य वाहिर आएको छ ।
भारतको तेलाङ्गाना, गुवाहाटी र कोलाकाता हुँदै ल्याएको कपाल पूर्वी नाकाबाट नेपाल ल्याएर चीन पठाउँने गरेको खुलसा भएको हो । झापाको गौरीगन्ज र पूर्वी नाका काँरभिट्टा हुदै यसरी तस्कर हरुले कपाल तस्करी गरिरहेका छन ।
गत साउन २६ सशस्त्र प्रहरीले गौरादह–७ स्थित गुवालडुब्बा बाट ३३ वटा पोकामा मान्छेको कपाल फेला परेको एउटा घटना थियो । सो कपाल राजश्व अनुसन्धान कार्यालय इटहरीमा बुझाइएको थियो । अर्को घटना माघ १९ मा पूर्वबाट पश्चिमतिर जाँदै गरेको एक रात्रि बसभित्र लुकाएको करिब २३ किलो कपाल सशस्त्र प्रहरीले नै बरामद गरेको थियो । झापाको चारआली नजिकको कालीझोडा क्षेत्रमा गरिएको जाँचका क्रममा कपाल फेला पारेको थियो । सो कपाल करिब १ लाख मूल्य कायम गरी मेची भन्सार कार्यालयमा दाखिला गरेको छ । काँकरभिट्टा सशस्त्र प्रहरीले समेत केही किलो कपाल बरामत गरेको छ तर नाका क्षेत्रबाट तस्करीले किन कसरी कपाल तस्कर गरिरहेको छ भन्ने बिषयमा नेपाल प्रहरी भने वेखवर छ ।
जिल्ला प्रहरी कार्यालय झापाका प्रवक्ता खगेन्द्रप्रसाद रिजाल सँग बुझदा आफुहरु सँग यस बिषयमा जानकारी नभएको बताए । उनले आफु भखरै आएको हुँदा थप जानकारी लिने बताए । उता सशस्त्र प्रहरी झापाका प्रमुख एसपी देवराज अर्याल सँगले केही दिन अघि कपाल वरामत गरेको बताए । यसको गहिराइ सम्म पुग्ने गरी आफुहरु पनि अनुसन्धान गरिहरेको बताए ।
स्रोतका अनुसार भारतमा कपाल तस्करको गिरोह निक्कै ठुलो रहेको छ । जुन गिरोहले नेपालमा केही ब्यतिm परिचालन गरेको छ । नेपालमा भने पूर्वी नाकामा मेचे थरका तस्कर छन । उता गौरीगन्जमा लिम्बु थरका तस्कर रहेका छन । उनीहरुले नेपाल भित्राउँने बाटो देखि सबै मिलाउँने गरेको समाचार स्रोत बताउँछ । भारतमा प्रतिकिलो ५ डलरदेखि १ सय डलरसम्म मूल्य पर्ने गर्दछ ।
अन्तरदेशीय संगठित आपराधिक गिरोहले पछिल्लो समय नेपाललाई ‘ट्रान्जिट’ बनाएर मानिसका कपाल चीन तस्करी गर्दै आएको छ । खासमा गत वर्षर्को फागुनमा दक्षिण भारतको आन्ध्र प्रदेशबाट पूर्वोत्तर मिजोरम हुँदै म्यान्मारलाई ‘ट्रान्जिट’ बनाएर कपाल तस्करीको खुलासा भारतको राजस्व गुप्तचर निर्देशनालयले गरेको थियो । गुप्तचरको खुलासापछि प्रवर्तन निर्देशनालयले छापा मारी मिजोरम–म्यान्मारको सीमावर्ती सहर चम्पाईबाट करोडौं मूल्यको ६ हजार किलो कपाल बरामद गरिएको थियो । उक्त कपाल आन्ध्र प्रदेशमा संकलन गरी म्यान्मारको बाटो चीन तस्करी गर्न लागिएको थियो । चीनले कपालबाट नक्कली कपाल ‘बिग’ बनाएर विश्वभर बेच्ने गर्दछ । मिजोरम–म्यान्मारको रुटको ‘सेटिङ’ बिग्रिएपछि तस्कर गिरोहले आन्ध्र प्रदेशको तेलाङ्गानाबाट असमको राजधानी गुवाहाटी र पश्चिम बंगाल राजधानी कोलाकाता हुँदै कपाल पूर्वी नाकाबाट नेपाल तस्करी गर्न थालेको भारतीय सञ्चारमाध्यमहरूले जनाएका छन ।

• संसद विघटन