आफ्नो ब्यवसाय संगै सामाजिक क्षेत्रमा सक्रिय रहदै आएको नाम हो सजित तामाङ र बिमला तामाङ ।
तामाङ दम्पति आफ्नो आमा, दुई छोरा र एक छोरीका साथ मेचीनगर–६ काँकरभिट्टामा बसोबास गर्छ्न।
उमेरले ४४ बर्शिय सजित एकता टोल बिकास समितिका संस्थापक अध्यक्ष हुन भने लायन्स क्लब अफ मेचीनगरका सचीब, नेसनल एसोसिएसन अफ टुरस एन्ड ट्रभल्स (नाटटा) प्रदेश न. १ का कोषाध्यक्ष र आसाम होटेल तथा आसाम टुरस एण्ड ट्राभल्सका प्रोपाइटर पनि ।
तामाङ दम्पति आज भोलि सामाजिक गतिविधिमा ब्यस्त देखिन्छन । उनिहरु कहिले अति बिपन्न्न बिरामी परिवार कहाँ सहयोग गर्न पुग्छ्न त कहिले बिद्यालयमा, कहिले खेलमा त कहिले विभिन्न सामाजिक गतिविधिमा ब्यस्त रहन्छ्न।
मान्छेलाई पैसा जति भए पनि पुग्दैन। आफुले मेहनत गरेर कमाएको पैसाले अभावमा परेका केही मान्छेहरुलाई सहयोग गर्ने पाउदा
मनमा शान्ति र आत्मसन्तुष्टि मिल्ने उनिहरु बताउछ्न ।
यस्तै यही फागुन २७ गते देखि चैत ६ गते सम्म झापाको काँकरभिट्टामा आयोजना हुन लागेको ईण्डो–नेपाल भेट्रान फुटबल प्रतियोगितामा दम्पतीले
खेललाई एक लाख रुपैयाँ हस्तान्तरण गर्ने भएका छ्न ।
उक्त खेलमा नेपाल र भारत गरि १० वटा टिमको सहभागिता हुने छ ।
बिर्तामोडको पाँच तारे होटेल किङ्ग्सबरीको (सेभेन हर्सेस क्यासिनो) मुख्य प्रायोजक रहेको प्रतियोगितामा दोस्रो पुरस्कार राशी १ लाख रुपैयाँको रकम तामाङ दम्पतीले खेल र खेलाडीलाई हौसला मिलोस भन्दै हस्तान्तरण गर्ने भएका हुन।
उक्त खेलको आयोजना काँकरभिट्टा भेट्रान फुटबल क्लबको रहने छ ।
