April 4, 2025 | शुक्रबार, चैत्र २२, २०८१
सुचनाहरु
झापामा भेटियो दुर्गा प्रसाईं चढेको गाडी, कहाँ छन् दुर्गा प्रसाईं?  यीनै हुन् ४ वर्षीया बालिका अपहरण गरी लैजाने व्यक्ति वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै

जगदम्बा जीतपुरसिमरा गोल्डकप : मकवानपुर सेमीफाइनलमा प्रवेश

  • साझा परिवेश
  • आइतवार, चैत्र १२, २०७९ १२:३0
जगदम्बा जीतपुरसिमरा गोल्डकप : मकवानपुर सेमीफाइनलमा प्रवेश
बारा । टाइ व्रेकरमा ४–३ को कठिन जित निकाल्दै मकवानपुर ११ बाराको सिमरा रंगशालामा जारी जगदम्बा १३ औं जीतपुरसिमरा गोल्डकपको सेमीफाइनलमा प्रवेश गरेको छ ।

मकवानपुर ११ ले बनाएको २–० को शुरुवाती अग्रता जोगाउँन नसक्दा खेल अतिरिक्त समय हुँदै टाई व्रेकरमा धकेलिएको हो । निर्धारित समय २–२ को बराबरीमा सकिए पछि ३० मिनेंटको अतिरिक्त समयमा दुबै टिमले १–१ को बराबरी खेले ।

मकवानपुरको जितमा टाई व्रेकरमा संजिव अर्याल, मनिष पौडेल, सुजन गुरुङ र सुदिप श्रेष्ठले गोल गरे । भने मकवानपुरका अविनास खड्काको प्रहार भरतपुरका गोलर क्षकले बचाउ गरे । भरतपुरका लागि सजिन थापा, भिष्म क्षेत्री र सुनिल श्रेष्ठले गोल गरे ।

टिप्सन राईको प्रहार क्रसबार माथिबाट बाहिरीयो भने आकाश थापा मँगरको प्रहार गोल पोष्टमा ठोक्किएर फर्कियो । निर्धारित समयको खेलमा मकवानपुरले खेलको दशौं मिनेंट मैं २–० को अग्रता लिएको थियो । तर, त्यसलाई जोगाउँन नसक्दा खेल अतिरिक्त समय हुँदै टाई ब्रेकरमा धकेलिएको थियो ।

मकवानपुरले खेलको चौथो मिनेंटमा सुजन गुरुङको गोलबाट अग्रता बनायो । भरतपुरका गोल रक्षकले आफ्ना खेलाडीलाई पास दिन खोजेको बल विट गर्दै करिब ३० यार्ड परबाट सुजनले गोल गरेका थिए ।

१–० ले पछि परेको भरतपुर विरुद्ध आक्रामक खेल खेलेको मकवानपुरले खेलको दशौं मिनेंटमा अग्रता दोब्बर पार्यो । मनिष पौडेलले करिब ४५ यार्ड परबाट गरेको प्रहार गोलमा परिणत हुँदा भरतपुरका गोल रक्षक मनोज गुरुङले अनुमान समेत गर्न सकेनन् ।

३३ औं मिनेंटमा भरतपुरका भिष्म क्षेत्रीले बराबरी गोल फर्काए । मकवानपुरका सञ्जिब अर्यालले फाउल गरे पछि पाएको फ्रिकिकमा सजिन थापाले करिब १९ यार्डबाट हानेको प्रहारलाई भिष्म क्षेत्रीले आकर्षक हेडिङ मार्फत गोलमा परिणत गरेका थिए ।

खेलको ५५ औं मिनेंटमा सजिन थापा मँगरले भरतपुरका लागि बराबरी गोल गरे । सुनील श्रेष्ठको पासमा सजिनले डिबक्स भित्रबाट सुन्दर गोल गरे ।

करिब पाँच हजार दर्शकको उपस्थिती रहेको सिमरा रङ्गशालामा पहिलो क्वाटर फाइनल रोमाञ्चक रह्यो । निर्धारित ९० मिनेंटको खेल बराबरी खेलेका दुबै टिमले अतिरिक्त समयको ३० मिनेंट जितका लागि कठिन संघर्ष गरे ।

अतिरिक्त समयको पाँचौ मिनेंटमा मकवानपुरले भरतपुरका सुधांश चौधरीको आत्मघाती गोलबाट ३–० को अग्रता बनाएको थियो । गोल लाईनबाट बल क्लिएर गर्ने क्रममा सुधांशको प्रयासले जाली चुमे पछि मकवानपुरका समर्थक उत्साहित बने ।

मकवानपुरको अग्रतालाई भरतपुरका सुनील श्रेष्ठले अतिरिक्त समयको १५ औं मिनेंटमा बराबरीमा ल्याए । सेन्टर लाईनबाट एकल प्रयासमा बल अघि बढाएका सुनीलले करिब ३० यार्ड परबाट बललाई गोल पोष्टको दिशा दिएका थिए ।

प्रतिष्पर्धात्मक खेलमा मकवानपुर ११ र भरतपुर फुटबल क्लबले थुप्रै आकर्षक अवसरहरु गुमाएका थिए । शुरुवाती दबाबलाई झेल्दै उत्कृष्ट प्रदर्शन गरेको भरतपुर प्रतियोगिताबाट बाहिरिए पनि घरेलु दर्शकको मन जित्न सफल भयो । प्रिक्वाटरमा आयोजकलाई पराजित गरेको भरतपुरको समर्थनमा अधिकांश स्थानीय दर्शक प्यारापिटबाट हुटिङ गरिरहेका थिए ।

 

  • साझा परिवेश
  • आइतवार, चैत्र १२, २०७९ १२:३0

प्रतिक्रिया

तपाइको प्रतिक्रिया दिनुहोस्

नेपाल अपडेट