June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

बेंगलोरमाथिको लखनउको रोमाञ्चक जित, पुरनले हाने १५ बलमै अर्धशतक

  • साझा परिवेश
  • मङ्लबार, चैत्र २८, २०७९ १२:२८
बेंगलोरमाथिको लखनउको रोमाञ्चक जित, पुरनले हाने १५ बलमै अर्धशतक

काठमाडौं । निकोलस पुरनले जारी सिजनको इन्डियन प्रिमियर लिग आईपीएलमा सबैभन्दा छिटो १५ बलमै अर्धतशक हानेको खेलमा लखनउ सुपर जायन्ट्सले रोएल च्यालेनर्जस बेंगलोरलाई एक विकेटले पराजित गरेको छ ।

मार्कोस स्टोइनिस र पुरनको आक्रमक अर्धशतक मद्दतमा लखनउले बेंगलोरले दिएको २१३ रनको लक्ष्य अन्तिम बलमा ९ विकेट गुमाएर पूरा गर्दै रोमाञ्चक जित निकालेको हो । बेंगलोरका टप अर्डरका तीन खेलाडीले अर्धशतक प्रहार गरेपनि जितका लागि काम लागेन ।

१५ बलमै अर्धशतक प्रहार गरेका पुरनले १९ बल खेल्दै ६२ रन बनाए । उनले ४ चौका र ७ छक्का प्रहार गरे । यस्तै मार्कुस स्टोइनिसले ३० बलमा ६ चौका र ५ छक्का प्रहार गरी सर्वाधिक ६५ रन बनाए ।

ठूलो लक्ष्य पछ्याउने क्रममा लखनउले २३ रनमै तीन विकेट गुमाएको थियो । तर स्टोइनिसले कप्तान केएल राहुलसँग ७६ रनको साझेदारी गर्दै इनिङ्स अघि बढाए । राहुले १८ रन जोडे । राहुल र स्टोइनिस आउट भएपछि पुरनेल सानदार ब्याटिङ गरे । पुरनले छैटौं विकेटका लागि आयुस बदोनीसँग ८४ रनको साझेदारी गरे । बदोनीले १९औं ओभरमा हिट विकेट हुनुअघि २४ बलमा चार चौका प्रहार गरी ३० रन बनाए ।

नाटकीय बनेको अन्तिम ओभरमा लखनउलाई जितका लागि पाँच रन चाहिएको थियो भने तीन विकेट बाँकी थियो । तर, अन्तिम ओभरमा दुई विकेट गुमाएपछि लखनउले अन्तिम बलमा एक रन जोड्दै खेल जितेको हो ।

बलिङमा बेंगलोरका मोहम्मद सिराज र वायने पार्नेलले तीन/तीन तथा हर्शल पटेलले दुई विकेट लिए ।

त्यसअघि घरेलु मैदान एम चेन्नास्वामी स्टेडियममा टस हारेर पहिले ब्याटिङ गरेको बेंगलोरले २० ओभरमा दुई विकेट गुमाएर २१२ रन बनाएको थियो ।

उसका कप्तान फाफ डु प्लेसिस,विराट कोहली र ग्लेन म्याक्सवेलले अर्धशत बनाए ।

ओपनर कप्तान डु प्लेसिसले ४६ बलमा पाँच चौका र पाँच छक्काको मदतमा अविजित रहँदै सर्वाधिक ७९ रन बनाए ।

पहिलो विकेटका लागि डु प्लेसिसले विराट कोहलीसँग ९६ रनको साझेदारी गरेका थिए । कोहलीले ४४ बलमा समान चार चौका र छक्का प्रहार गरी ६१ रन बनाए ।

कोहली आउट भएपछि म्याक्सवेलले आक्रमक ब्याटिङ गर्दै दुई सय स्कोर कटाउन मद्दत गरे । म्याक्सवेलले २९ बलमा तीन चौका र ६ छक्का प्रहार गरी ५९ रन बनाए । कप्तान डु प्देसिस र म्याक्सवेलले दोस्रो विकेटका लागि ११५ रनको शतकीय साझेदारी गरे ।

लखनउका लागि मार्क वुड र अमित मिश्राले समान एक/एक विकेट लिए ।

यस सिजन तेस्रो जितपछि ४ खेलबाट ६ अंक जोड्दै लखनउ अंकतालिकामा शीर्ष स्थानमा उक्लेको छ । दोस्रो हार बेहोरेको बेंगलोर तीन खेलबाट दुई अंकसहित सातौं स्थानमा छ ।

  • साझा परिवेश
  • मङ्लबार, चैत्र २८, २०७९ १२:२८

प्रतिक्रिया

तपाइको प्रतिक्रिया दिनुहोस्