July 22, 2024 | सोमवार, साउन ७, २०८१
सुचनाहरु
सुनको मूल्य बढ्यो , कति पुग्यो त तोलाको ? रविमाथि विनोद चौधरीको टिप्पणी- छानविनको घेरामा रहेको व्यक्तिले संसदमा स्टन्ट गरे आज प्रतिनिधि सभाको बैठक बस्दै, प्रधानमन्त्रीसँग प्रश्नोत्तरको कार्यसूची परराष्ट्र सचिव लम्साल आज चीन जाने ग्लोबल टी–२० लिग खेल्न सन्दीप क्यानडा प्रस्थान डेढ लाख घुससहित बिपी कोइराला क्यान्सर अस्पतालकी अधिकृत अख्तियारको नियन्त्रणमा पूर्व राज्यमन्त्री रायको हत्या बलिङ नचल्दा पाकिस्तानसँग नेपाल पराजित आज साउनको पहिलो सोमबार न्यूरोडमा पैदलमार्ग विस्तार गर्दा मेयर शाहले भ्रम फैलाएको स्थानीयको आरोप आज गुरुपूर्णिमा मनाइँदै सिमलताल बस दुर्घटना : बेपत्ता यात्रु र बसको खोजी गर्न भारतीय टोली आइपुग्यो रास्वपाको संसदीय दलको बैठक बस्दै भिसा प्रकरणमा उपसभामुख रानामगरले आर्थिक लेनदेन गरेको भेटिएन – रास्वपा महिला एसिया कप : आज नेपाल र पाकिस्तान तथा भारत र यूएईबीच प्रतिस्पर्धा गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि

पानी आएकोमा रोए हर्क कती धेरै हर्ष

  • साझा परिवेश
  • मङ्लबार, जेष्ठ ३०, २०८० १७:१६
पानी आएकोमा रोए हर्क कती धेरै हर्ष

धरान ।।

  • ४१ किलोमिटर पाइप तानेर कोकाहमा पानी ल्याइयो
  • पानी आएपछि भावुक हुँदै आँसु झारेका मेयर साम्पाङ केहि बेर बोल्नै सकेनन्
  • मेयर राईले भावुक हुँदै घर नजाने घोषणा गर्र्दै रातभरी पकुवा खोला किनारमा बसे
  • अब हाम्रो धरानमा खानेपानीको त्यति धेरै समस्या हुँदैन
  • पानी आएको उपलक्ष्यमा धरानमा उत्सव नै हुँदैछ

सुनसरीको धरान उपमहानगरपालिकाको २० नम्बरको पकुवामा सोमबार मध्यराति १२ बजेर ३ मिनेटमा कोकाहा खोलाको पानी झर्यो ।  धरानका मेयर हर्क साम्पाङ राईले सुरु गरेको श्रमदान अभियानकोे ९८औं दिन पुग्दा करिब ४१ किलोमिटर पाइप तानेर कोकाहमा पानी ल्याइएको हो ।

पानी आएपछि भावुक हुँदै आँसु झारेका मेयर साम्पाङ केहि बेर बोल्नै सकेनन् । पानी कुरेर जागराम बसेका मेयर साम्पाङ हातमा हथौडा बोकेर पाइपबाट झरेको पानी छेउमा उभिएर एक छिन रोए, अनि पानी हातले फिजाउँदै सबैतिर छर्के, आफ्नो शरिर भिजाए । त्यो देखेर पानी कुरेका धरानबासी पनि सँगै रोए, हल्ला गरे, नारा लगाए ।

‘दुई दिन देखि कोकाहको पानी नझारी घर नै नजाने भनेर मेयर साब २० नम्बर वडाको पकुवा नजिक खोला मै थिए, पानी झेरपछि मेयरले आँसु थाम्न सकेनन्, त्यो देखेर हामी सबै रायौं,’ मध्यरातमा पानी झरेको ठाउँमा पुगेका रसिक थेबे भन्छन् ।मेयर राईले भावुक हुँदै घर नजाने घोषणा गर्र्दै रातभरी पकुवा खोला किनारमा बसे । पानी झरेको हेर्न आउनेलाई उनले भने, ‘भोलि धरानमा उत्सव मनाउन आउनु होला, कोकाह खोलाको पानीले नुवाउनुपर्छ ।’

सँगै गएका सहयात्रीहरुका अनुसार मेयर निर्वाचित भएदेखि सबैभन्दा खुशी सोमबारराति नै देखिए । पानी झेर पछि धरानका उपप्रमुख अइन्द्र विक्रम बेघा पनि पकुवा पुगेका थिए । ‘हामीलाई कतिले फोक्कडमा दुख गरेको भन्दै आलोचना गरे, तर आज पानी ल्याउन सफल भएका छौं,’ मेयर राईको सामाजिक सञ्जालमा हालिएको भिडियोमा श्रम अभियान्ताहरुले भनेका छन् ।

साम्पाङ सँगै खानेपानी ल्याउने अभियानमा रहेर अहिले सचिवालय सदस्य रहेका थेबेका अनुसार विष्णुपादुकाको शीरबाट पहाड र भीरको बाटो पाइप उचाल्दै ९८ दिनमा पकुवामा खानेपानी झारिएको हो । ‘कोकाहको पानी पकुवामा साढे ५ मिटरको पाइपभरी ल्याइएको छ, अब ३ वटा ट्यांकीमा जम्मा गरेर वितरण गर्छौं ।’

थेबेका अनुसार कोकाहको पानी ल्याउन सरकारी पैसा खर्च भएको छैन । श्रमदाताहरुले आफैंले पैसा उठाएर, कतिपयले पाइपन नै किनेर खानेपानी ल्याएका हुन् । उनी भन्छन् ‘अब हाम्रो धरानमा खानेपानीको त्यति धेरै समस्या हुँदैन, पानी आएको उपलक्ष्यमा धरानमा उत्सव नै हुँदैछ, सबैजना कोकाहको पानीले नुवाउँदै छन् ।’

हर्क साम्पाङ राईले सुरु गरेको श्रम अभियानबाट कोकाहा भन्दा अगाडि पकुवा, सर्दु-खुर्द, निशाने खोला, तामाखान, भालु खोलाको मुहानमा ट्यांकी बनाएर पाइप जोडिएको छ । कतिपय मुहानमा केहि दिनअघि पानी सुकेर समस्या आए पनि अहिले फेरि विस्तारै पानी आउन थालेको थेबे बताउँछन् ।

 

  • साझा परिवेश
  • मङ्लबार, जेष्ठ ३०, २०८० १७:१६

प्रतिक्रिया

तपाइको प्रतिक्रिया दिनुहोस्