July 18, 2024 | बिहिबार, साउन ३, २०८१
सुचनाहरु
गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए सुनचाँदीको मूल्य घट्यो सिमलताल दुर्घटना: १९ शव फेला, १४ जनाको सनाखत ५१ दिनमा सकियो ‘छक्कापञ्जा ५’ को छायाङ्कन ग्रीनवूड मार्सेलीमा अनुबन्ध प्रधानमन्त्री ओलीलाई चिनियाँ समकक्षी लिको बधाई कस्तो छ आजको मौसम पूर्वानुमान ? महान्यायाधिवक्तामा रमेश बडाल नियुक्त एमालेका वरिष्ठ उपाध्यक्ष पोखरेल कतार प्रस्थान त्रिशूली बस दुर्घटना: मृतकका परिवारलाई मधेस सरकारले १ लाख दिने सुनको मूल्य बढ्यो ; तोलाको कति पुग्यो त् ?

डाक्टर कुट्नेलाई हदैसम्मको कारबाही हुनुपर्छ : डा. केसी

  • साझा परिवेश
  • शुक्रबार, अशोज १२, २०८० १७:0४
डाक्टर कुट्नेलाई हदैसम्मको कारबाही हुनुपर्छ : डा. केसी
  • चिकित्सकहरूमाथि हातपात र आक्रमण गर्नेलाई हदैसम्मको कारबाही गर्न माग
  • दिनरात खटेर काम गर्ने चिकित्सक र स्वास्थ्यकर्मीहरूको मनोबल गिरिसक्यो 
  • कुनै पनि देशमा राम्रो स्वास्थ्यका लागि बलियो डाक्टर-बिरामी सम्बन्ध अनिवार्य हुन्छ

काठमाडौं ।।

सामाजिक अभियन्ता डा. गोविन्द केसीले चिकित्सकहरूमाथि हातपात र आक्रमण गर्नेलाई हदैसम्मको कारबाही गर्न माग गरेका छन् । “यो अवस्थामा तत्काल त्यस्ता घटना रोक्न तथा तिनमा संलग्न हुनेहरूलाई हदैसम्मको कारबाही गर्न, आवश्यक परे नयाँ कानुनी व्यवस्था गर्नसमेत हामी नेपाल सरकारसित जोडदार माग गर्दछौँ,” डा. केसीद्वारा शुक्रबार जारी विज्ञप्तिमा भनिएको छ ।

स्वास्थ्य सेवाको गुणस्तर बढाउनका लागि देशभर सार्वजनिक स्वास्थ्य संस्थाहरूको क्षमता बढाउन, स्तरोन्नति गर्न, केन्द्रीय अस्पतालदेखि स्वास्थ्यचौकीसम्म आवश्यक भौतिक पूर्वाधार पुर्‍याउन तथा ती संस्थामा उपचार निःशुल्क बनाउन र सूचीकृत सबै निःशुल्क औषधिहरू सहज रूपमा उपलब्ध गराउन समेत उनले सरकारको ध्यानाकर्षण गरेका छन् ।  चिकित्सकहरूमाथि भइरहेका हातपात र आक्रमणका घटनाहरूप्रति आफ्नो ध्यानाकर्षण भएको जनाउँदै उनले यस्ता घटनाले न्यूनतम सुविधामा दिनरात खटेर काम गर्ने चिकित्सक र स्वास्थ्यकर्मीहरूको मनोबल गिर्नुका साथै देशको सिंगो स्वास्थ्य सेवा प्रणाली अस्तव्यस्त हुने अवस्था सिर्जना भएको बताएका छन् ।

 

 

“कुनै पनि देशमा राम्रो स्वास्थ्यका लागि बलियो डाक्टर-बिरामी सम्बन्ध अनिवार्य हुन्छ । त्यसका लागि देशमा पर्याप्त पूर्वाधार र जनशक्तिसहितका सार्वजनिक अस्पतालहरू हुनुपर्छ । नेपालमा एकातिर सरकारी संस्थामै निःशुल्क उपचार छैन, निजी अस्पतालहरूको शुल्क अचाक्ली महंगो छ भने अर्कातिर चिकित्सक र स्वास्थ्यकर्मीहरू श्रम शोषणको शिकार बनेका छन्,” उनले भनेका छन् । प्रतिकूल अवस्थाका बाबजुद निरन्तर बिरामीको सेवामा खट्ने डाक्टर र स्वास्थ्यकर्मीहरूमाथि आक्रमण हुँदासमेत सरकारले आवश्यक कारबाही नगरेको उनले बताएका छन् ।

डा. केसीले विज्ञप्तिमा भनेका छन्, “यसबीच नेपाल सरकार र नेपाल चिकित्सक संघबीच बारम्बार विभिन्न सहमति भए पनि सरकारले त्यसलाई कार्यान्वयन गर्ने गरेको छैन । त्यस्तै चिकित्सक संघले समेत कुनै घटना भएपछि तात्नेबाहेक यस्ता समस्याको दीर्घकालीन समाधानका लागि दलीय स्वार्थबाट माथि उठेर काम गर्न सकेको छैन । फलस्वरुप देशभरका चिकित्सक र स्वास्थ्यकर्मीले प्रणालीमा विश्वास गुमाइरहेका छन् ।”देशभरका चिकित्सक र स्वास्थ्यकर्मीहरूले अहिलेझैँ प्रणालीमा विश्वास गुमाउँदै जाने हो भने आउन सक्ने विकराल अवस्थाका लागि नेपाल सरकार जिम्मेवार हुने उनले बताएका छन् ।

  • साझा परिवेश
  • शुक्रबार, अशोज १२, २०८० १७:0४

प्रतिक्रिया

तपाइको प्रतिक्रिया दिनुहोस्

नेपाल अपडेट