April 4, 2025 | शुक्रबार, चैत्र २२, २०८१
सुचनाहरु
झापामा भेटियो दुर्गा प्रसाईं चढेको गाडी, कहाँ छन् दुर्गा प्रसाईं?  यीनै हुन् ४ वर्षीया बालिका अपहरण गरी लैजाने व्यक्ति वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै

त्रिभुवन आर्मी क्लब केपी ओली कप क्रिकेटको फाइनलमा

  • साझा परिवेश
  • बिहिबार, मंसिर १४, २०८० १३:३३
त्रिभुवन आर्मी क्लब केपी ओली कप क्रिकेटको फाइनलमा

काठमाडौँ । विभागीय टोली त्रिभुवन आर्मी क्लब पोखरामा जारी केपी ओली कप टी—२० क्रिकेट प्रतियोगिताको फाइनलमा पुगेको छ । आर्मी क्लबले बिहीबार पोखरा रंगशालामा खेलिएको पहिलो सेमिफाइनल खेलमा सन्दीप लामिछानेको कप्तानीमा रहेको बागमती प्रदेशलाई चार विकेटले हरायो ।

टस जिती पहिले ब्याटिङको निणर्य लिएको बागमती प्रदेशले निर्धारित ओभरमा सात विकेट गुमाएर एक सय २७ रन बनाएको थियो । जवाफी ब्याटिङमा ओर्लिएको आर्मी क्लबले १५ ओभरमै ६ विकेट गुमाएर विजयलक्ष्य पुरा गर्‍यो ।

आर्मी क्लबले बलिङ र ब्याटिङ दुबैमा उत्कृष्ट प्रदर्शन गर्‍यो । आर्मी क्लबको जितमा भीम सार्कीले ३९ रनको योगदान गरे । पाँचौँ नम्बरमा क्रिज समाल्न आएका भीमले ३५ बलमा पाँच चौका पनि प्रहार गरेका थिए ।

कुशल मल्लले पनि टोलीको खातामा २७ रन थपे । छैटौँ नम्बरका ब्याट्सम्यान कुशलले केवल आठ बलमा चार छक्का हिर्काएका थिए । त्यसअघि ओपनर ब्याट्सम्यान विनोद भण्डारीले २५ रन बनाएका थिए । उनले केवल १२ बलको सामना गरी दुई छक्का र तीन चौका हिर्काएका थिए । उनी टोलीका कप्तान पनि हुन् ।

सोमपाल कामी १५ रनमा अविजित रहे । उनले १४ बलको सामना गरी एक छक्का हिर्काएका थिए । राजेश पुलामी एक रनमा अविजित रहे । ओपनर सन्तोष कार्कीले सात रन जोडे । आर्मी क्लबले अतिरिक्त रुपमा नौ रन पाएको थियो ।

बागमती प्रदेशका बलर सन्दीप लामिछानेले दुई विकेट लिए । उनले चार ओभर बलिङ गर्दै ३४ रन खर्चिएका थिए । प्रतिस जीसी, इशान पाण्डे, सोनु देबकोटा र रित गौतमले पनि एक—एक विकेट हात पारे ।

त्यसअघि बागमती प्रदेशलाई ठूलो योगफल बनाउनबाट रोक्नेक्रममा आर्मी क्लबका बलर साहब आलमले चार विकेट लिएका थिए । आलमले चार ओभरमा एक मेडन राख्दै केवल १४ रन खर्चिएका थिए । उनी म्यान अफ दी म्याच पनि घोषित भए । सोमपाल कामीले दुई र विवेक यादवले एक विकेट हात पारेका थिए ।

बागमती प्रदेशका लागि प्रतिक श्रेष्ठले अर्धसतकीय पाली खेले पनि टोलीको जितका लागि त्यो पर्याप्त हुन सकेन । प्रतिकले अविजित ५० रन बनाएका थिए । उनले केवल ३५ बलको सामना गरी चार छक्का र तीन चौका पनि हिर्काएका थिए ।

कप्तान सन्दीप लामिछानेले २२ बलमा एक छक्का र दुई चौकाको मद्दतले १९ रन बनाए । ओपनर रित गौतम १४ रनमा आउट भए । तेस्रो नम्बरका ब्याट्सम्यान ईशान पाण्डे पनि १२ रनभन्दा अगाडि बढ्न सकेनन् । अन्य ब्याट्सम्यानले भने दोहोरो अंकमा रन बटुल्न सकेनन् ।

बागमती प्रदेशले अतिरिक्त रुपमा ११ रन पाएको थियो । त्रिभुवन आर्मी क्लब प्रारम्भिक चरणको खेलमा समूह ‘डी’ को विजेता बन्दै सेमिफाइनलमा पुगेको थियो । आर्मी क्लबले समूहगत चरणमा दुबै खेल जितेको थियो । बागमती प्रदेश भने समूह ‘ए’ को विजेताका रुपमा सेमिफाइनलमा प्रवेश गरेको थियो । बागमती प्रदेशले पनि समूहगत चरणमा दुबै खेलमा सफलता हात पारेको थियो ।

  • साझा परिवेश
  • बिहिबार, मंसिर १४, २०८० १३:३३

प्रतिक्रिया

तपाइको प्रतिक्रिया दिनुहोस्

नेपाल अपडेट