सर्वर डाउनले एनओसी लिन समस्या पुनः आवेदन दिनुपर्ने
साझा परिवेश
सोमवार, पुस २, २०८० १३:३७
आवेदन दिइसकेका विद्यार्थीहरुले पुनः निवेदन दिनुपर्ने
सर्वर डाउनले एनओसी जारी हुन सकेन
२२ मंसिर गतेयताको डेटा भने रिकभर नभएको जानकारी
काठमाडौं ।।
वैदेशिक अध्ययन अनुमति पत्र (एनओसी) का लागि मंसिर २२ गतेदेखि आवेदन दिएका विद्यार्थीहरुले पुनः निवेदन दिनुपर्ने भएको छ । वैदेशिक अध्ययन अनुमति पत्र शाखाको सर्वर बिहीबार साढे १० बजे डाउन भएको थियो । त्यही कारण चार दिनदेखि एनओसी जारी हुन सकेको थिएन ।
शाखाका प्रमुख शान्तिराम पौडेलका अनुसार अहिले पनि सर्भर रिकभरको काम भइरहेको छ । २२ मंसिरभन्दा अगाडि आवेदन दिएका विद्यार्थीहरुको ७५ प्रतिशत डेटा रिकभर भएको छ । त्यसैले उनीहरुलाई एनओसी दिन थालिएको छ ।तर २२ मंसिर गतेयताको डेटा भने रिकभर भएको छैन । यसका लागि प्रयास भइरहेको उनले बताए ।
