प्रचण्डलाई एमाले अध्यक्ष ओलीको फोन– बसेर छलफल गरौँ
साझा परिवेश
बिहिबार, मंसिर ८, २०७९ १९:५१
एमाले अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल प्रचण्डलाई फोन गरेर चुनाव जितेकोमा बधाई दिएका छन् ।
बिहीबार प्रचण्डलाई ओलीले फोन गरेका हुन् । फोन कुराबारे ओलीनिकट स्रोतले भन्यो– दुई अध्यक्षबीच फोनमा कुरा भयो । ओलीले प्रचण्डलाई बधाई दिन फोन गर्नुभएको हो । त्यस क्रममा उहाँले चुनावको अन्तिम परिणाम आइसकेपछि बसेर छलफल गर्ने कुरा भयो ।’
आजै ओलीले प्रधानमन्त्री शेरबहादुर देउवालाई पनि फोन गरेर चुनाव जितेकोमा बधाई दिएका थिए ।
चुनावको नतिजाले गठबन्धन सरकार बनाउनुपर्ने स्पष्ट संकेत गरेका बेला सत्ता गठबन्धनका एक नेता प्रचण्डलाई ओलीले फोन गर्नुलाई महत्त्वपूर्ण मानिएको छ ।
