युरोकप आयोजक जर्मनी मैत्रीपूर्ण खेलमा अस्ट्रियासँग पराजित
साझा परिवेश
बुधबार, मंसिर ६, २०८० १0:३६
काठमाडौं । युरोकप २०२४ को आयोजक जर्मनी अस्ट्रियाविरुद्धको मैत्रीपूर्ण खेलमा पराजित भएको छ । अस्ट्रियाले दश खेलाडीमा समेटिएको जर्मनीलाई २ – ० गोलले पराजित गरेको हो ।
युलियन निगल्समनको नेतृत्वमा रहेको जर्मनीको यो लगातार दोस्रो हार हो । घरेलु टोली अस्ट्रियाका लागि २९ औं मिनेटमा मार्शेल जाबिट्ज्जाले गोल गरेका थिए ।
१-० ले पछि परेको जर्मनीलाई दोस्रो हाफमा थप झड्का लाग्यो । ४९ औं मिनेटमा लियोरी साने रातो कार्ड पाउँदै मैदान बाहिरिएपछि जर्मनी दश खेलाडीमा झरेको थियो । सानेको आफ्नो व्यावसायिक फुटबल करियरमा पहिलो पटक रातो कार्ड पाएका हुन् ।
७३ औं मिनेटमा क्रिस्टोफले गोल गर्दै अस्ट्रियालाई २-० गोलको जित दिलाएका हुन् । बायर्न म्युनिखका पूर्वप्रशिक्षक निगल्समनको टोलीले यसअघि टर्कीसँग हार बेहोरेको थियो । पछिल्लो समय विश्वकप र युरोकपमा खराब प्रदर्शन गरेको जर्मनी २०२४ मा घरेलु मैदानमा उपाधि जित्ने लक्ष्यमा छ ।
