कारोबारमा सेयर बजार उच्च अंकले घट्दै,जोखिमभार बढ्दै
साझा परिवेश
शुक्रबार, साउन १२, २०८० १४:0८
५० लाखसम्मको जोखिमभार १०० प्रतिशत
उक्त दिन सेयर लगानीकर्ता आशावादी
नेप्से ६३ अंक बढेको पनि थियो
कारोबारमा सेयर बजार उच्च अंकले घट्दै
काठमाडौं ।।
नेपाल राष्ट्र बैंकले हाल २५ लाखसम्मलाई १०० प्रतिशतमा गणना गर्दै आएको सेयर धितोकर्जाको जोखिमभारको सीमा ५० लाख बनाएको छ । राष्ट्र बैंकले शुक्रबार एक निर्देशन जारी गर्दै यो व्यवस्था गरेको हो ।
गएको आइतबार राष्ट्र बैंकले मौद्रिक नीति २०८०-०८१ सार्वजनिक गर्दै सेयर धितोकर्जाको जोखिमभारमा केही हेरफेर गर्ने भनेको थियो ।
उक्त दिन सेयर लगानीकर्ता आशावादी भएका थिए । सो दिन नेप्से ६३ अंक बढेको थियो ।
सोही दिन गभर्नर महाप्रसाद अधिकारीले ५० लाखभन्दा माथिको सेयर धितोकर्जाको हकमा १५० प्रतिशत नै जोखिम भार कायम हुने बताएका थिए । त्यसपछिका दिनहरूको कारोबारमा सेयर बजार उच्च अंकले घट्दै आएको छ । ५० लाखभन्दा माथिको सेयर धितोकर्जाको हकमा जोखिम भार १५० प्रतिशत कायम गरिएको छ ।
