तिज र संविधान दिवस ‘एक भागवत् र एक गीता’ ले राम्रै मनायो

• ‘एक भागवत् र एक गीता’लाई विकडेजमा राम्रो अकुपेन्सी प्राप्त
• संविधान दिवसको दिनमा बुधबार फिल्मको देशव्यापी अकुपेन्सी उत्साहजनक
• प्रमुख मल्टिप्लेक्समा अपरान्ह र बेलुकीको शोको अकुपेन्सी ८० देखि शतप्रतिशत देखियो 

काठमाडौं ।।

सुरुवाती दिनमा कमजोर ओपनिङ गरेको फिल्म ‘एक भागवत् र एक गीता’लाई विकडेजमा राम्रो अकुपेन्सी प्राप्त भएको छ । संविधान दिवसको दिनमा बुधबार फिल्मको देशव्यापी अकुपेन्सी उत्साहजनक देखिएको छ । प्रमुख मल्टिप्लेक्समा अपरान्ह र बेलुकीको शोको अकुपेन्सी ८० देखि शतप्रतिशत देखिएको छ । क्यूएफएक्स, बिग मुभिज, आईएनआई लगायतका मल्टिप्लेक्समा अपरान्हपछिका शोमा दर्शक खचाखच देखिएका छन् ।

‘सुरुका दिनमा केही कमजोर देखिएको फिल्मको अकुपेन्सी बुधबारसम्म आइपुग्दा हामी उत्साहित छौं । प्रायः ठाउँमा मंगलबार र बुधबारका शो हाउसफुल देखिएका छन्,’ वितरक गोविन्द शाहीले भने, ‘हामी क्रमशः सकारात्मक वर्ड अफ माउथको प्रभाव कुरिरहेका छौं ।’ शनिबार, हरितालिका तीज र बुधबार परेको लगातारको सार्वजनिक बिदाको फाइदा फिल्मलाई देखिएको छ । सप्ताहन्तभन्दा विकडेजका शो खचाखच हुनुमा लगातारको बिदालाई कारण मानिएको छ ।

हुन सक्छ यही कारण मल्टिप्लेक्स झरना थापा निर्देशित फिल्मको शो संख्यामा वृद्धि गरेका छन् । ‘एकातिर हलले शो वृद्धि गर्नु र अर्कोतिर दर्शकको उपस्थिति बढ्नुले हामी उत्साहित छौं,’ शाहीले भने । यौनिक अल्पसंख्यकको कथावस्तु र सन्देशमा आधारित यो फिल्ममा विपिन कार्की, सुहाना थापा, धीरज मगर लगायतको शीर्ष भूमिका छ । फिल्मलाई सुनिलकुमार थापाले निर्माण गरेका हुन् ।

हुन सक्छ यही कारण मल्टिप्लेक्स झरना थापा निर्देशित फिल्मको शो संख्यामा वृद्धि गरेका छन् । ‘एकातिर हलले शो वृद्धि गर्नु र अर्कोतिर दर्शकको उपस्थिति बढ्नुले हामी उत्साहित छौं,’ शाहीले भने । यौनिक अल्पसंख्यकको कथावस्तु र सन्देशमा आधारित यो फिल्ममा विपिन कार्की, सुहाना थापा, धीरज मगर लगायतको शीर्ष भूमिका छ । फिल्मलाई सुनिलकुमार थापाले निर्माण गरेका हुन् ।

• संसद विघटन